Memleket basshysy Qazaqstan halqynyń jáne jeke óziniń atynan Rishi Sýnakty Ulybritaniia jáne Soltústik Irlandiia Birikken Koroldiginiń Premer-ministri qyzmetine taǵaiyndalýymen quttyqtady, dep habarlaidy Aqordanyń baspasóz qyzmeti.
Qasym-Jomart Toqaev Rishi Sýnaktyń kóshbasshylyq qasieti men ózgerister baǵdarlamasy Ulybritaniiany qýatty ári turaqty etýde sheshýshi ról atqaratynyna senim bildirdi.
«Qazaqstan Ulybritaniiamen aradaǵy berik dostyq, ózara qurmet pen senimge negizdelgen uzaq merzimdi strategiialyq seriktestikti joǵary baǵalaidy. Bizdiń yntymaqtastyǵymyz saiasi jáne ekonomikalyq qarym-qatynastardy nyǵaitýǵa septigin tigizip, dostas memleketterimizdiń igiligi jolynda odan ári damýǵa jańa múmkindikter ashady dep senemin», – delingen jedelhatta.
