Ańsaǵan Baltabekov Ishki ister ministriniń orynbasary – Ulttyq ulannyń bas qolbasshysy laýazymyna taǵaiyndaldy. Bul týraly Aqorda habarlady.
Ańsaǵan Skenderuly Baltabekov bul qyzmetke memleket basshysynyń ókimimen taǵaiyndalǵan. Al Erkin Botaqanov Ishki ister ministriniń orynbasary – Ulttyq ulannyń Bas qolbasshysy laýazymynan bosatyldy. Ańsaǵan Baltabekov Qazaq memlekettik zań ýniversitetin "zańger" mamandyǵy boiynsha aiaqtaǵan.
2002-2017 jyldary Memlekettik kúzet qyzmetiniń kadrlarynda túrli ofitserlik jáne basshylyq laýazymdarda qyzmet atqarǵan. 2017-2019 jyldary Ulttyq qaýipsizdik organdarynda qyzmet etken. 2019-2022 jyldary Memlekettik kúzet qyzmetiniń kadrlarynda túrli basshylyq laýazymdarda qyzmette boldy.
2009 jyly Prezident Kúzet qyzmetiniń ofitseri bolǵan. 2022 jyldyń 18 mamyrynan 2024 jyldyń 10 qańtaryna deiin Memlekettik kúzet qyzmeti bastyǵynyń orynbasary bolǵan. Qańtar aiynda Memlekettik kúzet qyzmeti bastyǵynyń orynbasary laýazymynan bosatylǵan bolatyn. 2023 jyldyń 5 mamyrynda general-maior ataǵy berilgen.
