QR Prezidenti Qasym-Jomart Toqaev Ulttyq qoǵamdyq senim keńesiniń múshesi Mihail Dorofeevti qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Ulttyq qoǵamdyq senim keńesiniń múshesi, belgili jýrnalist Mihail Dorofeev Memleket basshysyna otandyq aqparat keńistigindegi ahýal jóninde oi-pikirin aitty.
Sonymen qatar áńgimelesý barysynda buqaralyq aqparat quraldarynyń básekege qabilettiligin arttyrýǵa, memlekettik aqparattyq tapsyrysty tiimdi júzege asyrýǵa, sondai-aq, jýrnalisterdiń quqyǵyn qorǵaýǵa qatysty máseleler sóz boldy.
Mihail Dorofeev Qasym-Jomart Toqaevqa media-qoǵamdastyqtyń atynan jala jabý týraly Qylmystyq kodekstiń 130-babyn qylmystyq dep tanymaý jónindegi sheshimi úshin alǵys bildirdi.
Qazaqstan Prezidenti televiziiadaǵy sapaly kontentti damytýdyń mańyzdylyǵyn atap ótip, memleket tarapynan otandyq BAQ-qa qoldaý kórsetile beretinin aitty.
