Memleket basshysy Qasym-Jomart Toqaev Ulttyq ekonomika ministri Álibek Qýantyrovty qabyldady, - dep habarlaidy "Ult aqparat" Aqordaǵa silteme jasap.
Qasym-Jomart Toqaevqa ministrliktiń biylǵy atqaratyn negizgi mindetteri, sondai-aq pandemiiadan keiingi kezeńdegi ekonomikany damytýǵa kóshý sharalary jóninde jáne onyń syrtqy syn-tegeýrinderge tótep berýine qatysty aqparat berildi.
Álibek Qýantyrov Prezident tapsyrmalarynyń oryndalý barysy jóninde baiandady. Atap aitqanda, Halyqtyń tabysyn arttyrý baǵdarlamasy men Infliatsiiany baqylaý jáne tómendetý jónindegi keshendi sharalardyń júzege asyrylýy týraly sóz boldy.
Memleket basshysy Qazaqstan halqyna Joldaýy aiasynda elimizdiń ákimshilik-aýmaqtyq qurylymyn ózgertý jóninde naqty mindet júktedi. Qazirgi ýaqytta komissiia jasaqtalyp, jańa oblystardy qurý jumystarynyń algoritmi ázirlendi.
Kezdesý qorytyndysy boiynsha Qasym-Jomart Toqaev makroekonomikalyq turaqtylyqty qamtamasyz etý, ekonomikany ártaraptandyrý jáne jańa jumys oryndaryn ashý, ekonomikadaǵy memlekettiń úlesin azaitý, sondai-aq turǵyndar men kásipkerlerge qoldaý kórsetý jóninde birqatar tapsyrma berdi.
