Foto: Akorda.kz
Qasym-Jomart Toqaev UQShU Ujymdyq qaýipsizdik keńesiniń keńeitilgen quramda ótken sessiiasyna qatysty, dep habarlaidy "Ult aqparat" Aqordanyń resmi saityna silteme jasap.
Memleket basshysy Minsk qalasynda ótken Ujymdyq qaýipsizdik týraly shart uiymy Ujymdyq qaýipsizdik keńesiniń sessiiasyna qatysty. Belarýs Prezidenti Aleksandr Lýkashenkonyń tóraǵalyǵymen ótken sammitke elimizdiń basshysymen qatar, Qyrǵyzstan Prezidenti Sadyr Japarov, Resei Prezidenti Vladimir Pýtin, Tájikstan Prezidenti Emomali Rahmon keldi.
Qasym-Jomart Toqaev sessiia qatysýshylaryna iltipat bildire otyryp, jiyndy joǵary deńgeide uiymdastyrǵany úshin Belarýs tarapyna jáne Aleksandr Lýkashenkoǵa rizashylyq bildirdi.
Prezident 2024 jyldyń 1 qańtarynan bastap UQShU-ǵa tóraǵalyq etý mindeti Qazaqstan Respýblikasyna ótetinin málimdedi. Bul rette Qasym-Jomart Toqaev Uiym aiasynda ujymdyq qaýipsizdik júiesin odan ári nyǵaitýǵa elimizdiń eleýli úles qosýǵa daiyn ekenin jetkizdi. Osyǵan orai Memleket basshysy Qazaqstan tóraǵalyǵy kezinde Uiym qyzmeti boiynsha erekshe nazar aýdarýdy qajet etetin birqatar basym baǵytty usyndy.
– Birinshi, UQShU-nyń qaýipsizdik salasynda múddeli eldermen jáne halyqaralyq uiymdarmen yntymaqtastyq ornatý. Birikken Ulttar Uiymymen jáne onyń qurylymdarymen arada qalyptasqan yqpaldastyq deńgeiin saqtaýǵa basa mán berýdi usynamyz. Bul jumys 2010 jyldyń 18 naýryzynda UQShU men BUU hatshylyqtary arasynda qol qoiylǵan Yntymaqtastyq týraly birlesken deklaratsiia negizinde júrgiziledi. TMD men ShYU arasyndaǵy yntymaqtastyqty odan ári tereńdetýdi quptaimyz. «UQShU-nyń TMD-men jáne ShYU-men yntymaqtastyǵyn nyǵaitý jónindegi praktikalyq sharalar» atty qujatta onyń naqty qadamdary aiqyndalǵan, – dedi Qasym-Jomart Toqaev.
Áskeri yntymaqtastyq máseleleri boiynsha qarym-qatynas Uiym qyzmetiniń ekinshi mańyzdy baǵyty retinde usynyldy. Qazaqstan Prezidentiniń pikirinshe, UQShU Ujymdyq kúshterin jedel áreket etý máselelerine qatysty normativtik-quqyqtyq bazany jetildirý qajet.
– Bul kontingenttiń kedergisiz ári esh jerge aialdamai qozǵalýyna, áskeri aviatsiianyń ushýyna jáne taǵy da basqa aspektilerge qatysty. Sonymen qatar áskeri kadrlardy daiarlaý júiesin jáne UQShU-ǵa múshe memleketterdiń áskeri-ǵylymi qýatyn damytýdy jalǵastyrǵan jón. Uiymnyń bitimgershilik áleýetin arttyrýǵa airyqsha mán berý usynylady. Bul rette UQShU Bas hatshysynyń bitimgershilik máseleleri jónindegi arnaiy ókiliniń qyzmeti zor ról atqarady, – dedi Memleket basshysy.
Qasym-Jomart Toqaev óz sózinde halyqaralyq terrorizm men ekstremizmge qarsy is-qimyl baǵytyndaǵy yntymaqtastyqty damytý isin taǵy bir basymdyq retinde atady. Memleket basshysynyń aitýynsha, ujymdyq qaýipsizdik júiesiniń terrorizmge qarsy qyzmetine jiti nazar aýdarylady.
– Lańkestik toptarǵa qosylýdy josparlap júrgen azamattarymyzdyń elden tysqary shyǵyp ketýine jol bermeý úshin birlesken jumysty jalǵastyrǵan jón. Terrorizmge jáne ekstremizmge qatysy bar adamdardy izdeý, ustaý jáne ekstraditsiialaý tetikterin iske qosý mańyzdy. UQShU Qaýipsizdik keńesi hatshylarynyń komiteti janyndaǵy terrorizm men ekstremizmge qarsy kúres máselelerimen ainalysatyn sarapshylardyń Jumys tobyn jandandyrýdy usynamyz, – dedi Memleket basshysy.
Prezidenttiń aitýynsha, Uiym esirtki jáne psihotropty zattardyń zańsyz ainalymyna da qarsy kúres júrgizýge tiis.
– UQShU-ǵa múshe elderdiń keńistigin osy qaýipti zattyń enýinen qorǵaý úshin birlesken is-sharalardyń tiimdiligin arttyrý qajet. Jumys retin barlyq ózekti faktordy, sonyń ishinde sintetikalyq esirtkiniń taralý aiasy keńeie túskenin eskere otyryp uiymdastyrý kerek. Esirtkiniń zańsyz ainalymyna qarsy kúres júrgizetin quzyretti organdar jetekshilerinen quralǵan Úilestirý keńesi siiaqty mehanizm mańyzdy ról atqarady, – dedi Memleket basshysy.
Sonymen qatar Prezident qarý-jaraqtyń zańsyz ainalymymen jáne transulttyq uiymdasqan qylmystyq toptarmen kúresýdi, tótenshe jaǵdailardyń aldyn alý jáne onyń saldaryn joiý máseleleri boiynsha yntymaqtastyqty nyǵaitýdy, aqparattyq tehnologiia salasyndaǵy qylmystarǵa qarsy is-qimyldy ortaq jumystyń mańyzdy baǵyttary dep sanaidy.
– Qazirgi jaǵdaida qaýip-qaterdiń sipaty men kiber qylmyskerler qoldanatyn qarý túrleri de tez ózgerip jatyr. Muny bizdiń negizgi quralymyz – UQShU-nyń aqparattyq tehnologiia salasyndaǵy qylmystarǵa qarsy is-qimyl jónindegi «PROKSI» operatsiiasyn iske asyrý kezinde eskerý kerek dep sanaimyz, – dedi Qazaqstan Prezidenti.
Qasym-Jomart Toqaev Qazaqstannyń tóraǵalyq etý kezeńinde júzege asyrý úshin aiqyndalǵan basymdyqtar jýyq arada UQShU-ǵa múshe memleketterge joldanatynyn aitty. Memleket basshysy Uiymǵa múshe elderdiń birlesken kúsh-jigeriniń arqasynda ujymdyq qaýipsizdik júiesin nyǵaitý jáne ony odan ári damytý úshin keshendi jumystar jalǵasa beretinine senim bildirdi.
Sessiia qorytyndysy boiynsha birqatar qujat qabyldandy.
