QR Prezidenti Qasym-Jomart Toqaev Ýkrainadaǵy jaǵdaiǵa qatysty pikir bildirdi, dep habarlaidy QazAqparat.
«Ustanymymyz memleketimizdiń qaýipsizdigin, egemendigin, aýmaqtyq tutastyǵyn qamtamasyz etý turǵysynda bolýy tiis. 2010 jyly EQYU sammitin ózinde qabyldaǵan el retinde biz eýraziialyq qaýipsizdiktiń tutastyǵy ustanymyn qoldaimyz. Bul jaiynda men 10 aqpandaǵy Máskeýge saparym barysynda da aittym. Tutastyq ustanymy jáne qaýipsizdiktiń ortaqtyǵy ózara senim negizindegi ózara túsinistikti bildiredi. Ókinishke orai, mundai jaǵdai oryn alǵan joq. Minsk kelisimi qaǵaz kúiinde qalyp qoidy. Bul Ýkraina aýmaǵyndaǵy áskeri is-qimylǵa alyp keldi. Geosaiasi ahýal teńdessiz túrde shielenisti», - dedi Memleket basshysy «Amanat» partiiasynyń kezekten tys sezinde.
Sondyqtan Qazaqstan Prezidenti eki memleketti de ýaǵdalastyq pen kelisimge kelýi úshin kelissózder ústeline otyryp, ortaq til tabýǵa shaqyrdy.
«Basqa joly joq. Beibit ómirsiz damý da bolmaidy. Qazaqstan óz tarapynan barlyq járdemin, onyń ishinde araǵaiyndyq qyzmetin kórsetýge daiyn. Árine, eger ol qajet bolsa», - dedi Qasym-Jomart Toqaev.
