Foto: Aqordanyń baspasóz qyzmeti
Qazaqstan Prezidenti Qasym-Jomart Toqaev Túrkiiaǵa shuǵyl kómek retinde 1 million dollar bólýdi tapsyrdy, - dep habarlaidy "Ult aqparat" Aqordanyń baspasóz qyzmetine silteme jasap.
"Memleket basshysy Úkimetke joiqyn jer silkinisi saldarynan zardap shekken Túrkiia Respýblikasyna shuǵyl kómek retinde 1 million dollar bólýdi tapsyrdy", - delingen habarlamada.
Sonymen qatar, Qazaqstannyń ókiletti organdary túrik tarapymen birlesip, zilzalanyń zardabyn joiý úshin qosymsha kómek kórsetý máselesin qarastyryp jatyr.
Eske salaiyq, 6 aqpanda Túrkiianyń ońtústik-shyǵysynda birqatar jer silkinisi bolyp, Siriianyń birneshe provintsiiasy da zardap shekti. Eń joiqyn jer silkinisiniń magnitýdasy 7-den joǵary boldy. Tabiǵi apattar saldarynan Túrkiiada kóptegen ǵimarat qirady.
Sońǵy málimet boiynsha, Túrkiia men Siriiada bolǵan joiqyn jer silkinisi saldarynan qaza tapqandar sany 7200 adamǵa jetken.
