Foto: Aqorda
Qazaqstan Prezidenti Qasym-Jomart Toqaev Túrkiiaǵa resmi saparmen bardy. Memleket basshysyn Ankara qalasyndaǵy «Esenboǵa» halyqaralyq áýejaiynda Túrkiia Prezidenti Rejep Taiip Erdoǵan jeke ózi qarsy aldy, dep habarlaidy Ult.kz.
Áýejaida qurmet qaraýyly sap túzep, eki eldiń kóshbasshylary az-kem áńgimelesti. Qonaqjai kóńil bildirgeni úshin Toqaev Erdoǵanǵa alǵys aitty:
«Áýejaiǵa kelip qarsy alǵanyńyz úshin kóp raqmet. Bul — men úshin úlken qurmet. Bizdi eshqandai túitkil emes, tek týystyq pen yntymaqtastyq bailanystyrady. Erteń mańyzdy sapar ótedi. Baǵdarlama mazmundy. Ony tolyq iske asyramyz dep oilaimyn», – dedi Q. Toqaev.
29 shildede qos el basshylary keńeitilgen formattaǵy kelissózder ótkizip, qazaq-túrik strategiialyq seriktestigin odan ári nyǵaitý joldaryn talqylaidy dep josparlanǵan.
Sapar barysynda birqatar ekijaqty qujattarǵa qol qoiylady dep kútilýde. Bul kezdesý eki el arasyndaǵy tarihi jáne saiasi-ekonomikalyq bailanysty jańa deńgeige kótermek.
