Foto: Akorda.kz
Memleket basshysy Túrkistan oblysynyń ákimi Darhan Satybaldyny qabyldady, - dep habarlaidy "Ult aqparat" Aqordanyń resmi saityna silteme jasap.
Prezidentke Túrkistan oblysynyń byltyrǵy áleýmettik-ekonomikalyq damýy týraly esep berildi.
Ótken jyldyń qorytyndysy boiynsha aimaqtyń negizgi makroekonomikalyq kórsetkishterinde oń dinamika baiqalady. Atap aitqanda, óńirdegi ónerkásip óniminiń kólemi 2,5 paiyzǵa ósip, 1 trillion teńgeden asqan. Óńdeý ónerkásibin damytý úshin jalpy somasy 30,2 milliard teńge bolatyn 20 joba iske qosylyp, 594 jańa jumys orny ashylǵan.
Oblys ákiminiń aitýynsha, aldaǵy 5 jylda óńirdiń óz kirisin 100 milliard teńgege arttyrý josparlanyp otyr. Aldyn ala esep boiynsha byltyr jalpy óńirlik ónim kólemi 3,8 trillion teńge bolǵan. Al aýyl sharýashylyǵyndaǵy ónim kólemi 1,1 trillion teńgeni quraǵan. Bul kórsetkish boiynsha Túrkistan oblysy respýblikada kósh bastap tur. Salany ártaraptandyrý nátijesinde 3,3 million tonna kókónis, baqsha ónimderi jinaldy. Bul – rekordtyq kórsetkish. Prezident tapsyrmasyna sáikes aýyl sharýashylyǵynda ónim kólemin arttyrýǵa, sýdy únemdeýge yqpal etetin jańa ádis-tásilder men tehnologiialar engizilip jatyr.
Memleket basshysyna óńirdegi shaǵyn jáne orta biznestiń damý barysy týraly baiandaldy. Darhan Satybaldynyń aitýynsha, oblystaǵy kásipkerlik sýbektileriniń sany 211 myńǵa jetip, 1,6 trillion teńgeniń ónimi óndirilgen. Oblysta jalpy somasy 407,5 milliard teńge bolatyn qurylys jumystary júrgizilip, 898,9 myń sharshy metr turǵyn úi paidalanýǵa berilgen. 3 myńǵa jýyq otbasy baspanaly boldy. Budan bólek, byltyr biýdjet esebinen 35 mekteptiń qurylysy júrgizilip, 20 mektep ashyldy. «Jaily mektep» jobasy aiasynda oblysta úsh jyl ishinde 49 myń oqýshyǵa arnalǵan 63 mektep salynady.
Sonymen qatar Prezidentke aimaqtaǵy aýyldardy sýmen jáne gazben qamtamasyz etý jumystarynyń barysy tanystyryldy. Ótken jyly oblystaǵy 20 eldi mekenge jańadan aýyzsý qubyry tartyldy. Toǵyz aýyldaǵy eskirgen sý tartý júieleri jańartyldy. Sondai-aq 62 gazben qamtý nysanynyń qurylysy aiaqtalyp, 48 eldi mekenge kógildir otyn jetkizildi.
Kezdesý sońynda Qasym-Jomart Toqaev oblys ákimine halyqtyń ál-aýqatyn arttyrý, óńirdiń ekonomikalyq jaǵdaiyn jaqsartý jóninde bergen tapsyrmalaryn júieli ári sapaly oryndaý qajet ekenin aitty. Sondai-aq Túrkistan óńirin damytý jumystaryn jalǵastyrýdy tapsyrdy.
