فوتو: Akorda.kz
مەملەكەت باسشىسى تٷركٸستان وبلىسىنىڭ ەكٸمٸ دارحان ساتىبالدىنى قابىلدادى, - دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
پرەزيدەنتكە تٷركٸستان وبلىسىنىڭ بىلتىرعى ەلەۋمەتتٸك-ەكونوميكالىق دامۋى تۋرالى ەسەپ بەرٸلدٸ.
ٶتكەن جىلدىڭ قورىتىندىسى بويىنشا ايماقتىڭ نەگٸزگٸ ماكروەكونوميكالىق كٶرسەتكٸشتەرٸندە وڭ ديناميكا بايقالادى. اتاپ ايتقاندا, ٶڭٸردەگٸ ٶنەركەسٸپ ٶنٸمٸنٸڭ كٶلەمٸ 2,5 پايىزعا ٶسٸپ, 1 تريلليون تەڭگەدەن اسقان. ٶڭدەۋ ٶنەركەسٸبٸن دامىتۋ ٷشٸن جالپى سوماسى 30,2 ميلليارد تەڭگە بولاتىن 20 جوبا ٸسكە قوسىلىپ, 594 جاڭا جۇمىس ورنى اشىلعان.
وبلىس ەكٸمٸنٸڭ ايتۋىنشا, الداعى 5 جىلدا ٶڭٸردٸڭ ٶز كٸرٸسٸن 100 ميلليارد تەڭگەگە ارتتىرۋ جوسپارلانىپ وتىر. الدىن الا ەسەپ بويىنشا بىلتىر جالپى ٶڭٸرلٸك ٶنٸم كٶلەمٸ 3,8 تريلليون تەڭگە بولعان. ال اۋىل شارۋاشىلىعىنداعى ٶنٸم كٶلەمٸ 1,1 تريلليون تەڭگەنٸ قۇراعان. بۇل كٶرسەتكٸش بويىنشا تٷركٸستان وبلىسى رەسپۋبليكادا كٶش باستاپ تۇر. سالانى ەرتاراپتاندىرۋ نەتيجەسٸندە 3,3 ميلليون توننا كٶكٶنٸس, باقشا ٶنٸمدەرٸ جينالدى. بۇل – رەكوردتىق كٶرسەتكٸش. پرەزيدەنت تاپسىرماسىنا سەيكەس اۋىل شارۋاشىلىعىندا ٶنٸم كٶلەمٸن ارتتىرۋعا, سۋدى ٷنەمدەۋگە ىقپال ەتەتٸن جاڭا ەدٸس-تەسٸلدەر مەن تەحنولوگييالار ەنگٸزٸلٸپ جاتىر.
مەملەكەت باسشىسىنا ٶڭٸردەگٸ شاعىن جەنە ورتا بيزنەستٸڭ دامۋ بارىسى تۋرالى باياندالدى. دارحان ساتىبالدىنىڭ ايتۋىنشا, وبلىستاعى كەسٸپكەرلٸك سۋبەكتٸلەرٸنٸڭ سانى 211 مىڭعا جەتٸپ, 1,6 تريلليون تەڭگەنٸڭ ٶنٸمٸ ٶندٸرٸلگەن. وبلىستا جالپى سوماسى 407,5 ميلليارد تەڭگە بولاتىن قۇرىلىس جۇمىستارى جٷرگٸزٸلٸپ, 898,9 مىڭ شارشى مەتر تۇرعىن ٷي پايدالانۋعا بەرٸلگەن. 3 مىڭعا جۋىق وتباسى باسپانالى بولدى. بۇدان بٶلەك, بىلتىر بيۋدجەت ەسەبٸنەن 35 مەكتەپتٸڭ قۇرىلىسى جٷرگٸزٸلٸپ, 20 مەكتەپ اشىلدى. «جايلى مەكتەپ» جوباسى اياسىندا وبلىستا ٷش جىل ٸشٸندە 49 مىڭ وقۋشىعا ارنالعان 63 مەكتەپ سالىنادى.
سونىمەن قاتار پرەزيدەنتكە ايماقتاعى اۋىلداردى سۋمەن جەنە گازبەن قامتاماسىز ەتۋ جۇمىستارىنىڭ بارىسى تانىستىرىلدى. ٶتكەن جىلى وبلىستاعى 20 ەلدٸ مەكەنگە جاڭادان اۋىزسۋ قۇبىرى تارتىلدى. توعىز اۋىلداعى ەسكٸرگەن سۋ تارتۋ جٷيەلەرٸ جاڭارتىلدى. سونداي-اق 62 گازبەن قامتۋ نىسانىنىڭ قۇرىلىسى اياقتالىپ, 48 ەلدٸ مەكەنگە كٶگٸلدٸر وتىن جەتكٸزٸلدٸ.
كەزدەسۋ سوڭىندا قاسىم-جومارت توقاەۆ وبلىس ەكٸمٸنە حالىقتىڭ ەل-اۋقاتىن ارتتىرۋ, ٶڭٸردٸڭ ەكونوميكالىق جاعدايىن جاقسارتۋ جٶنٸندە بەرگەن تاپسىرمالارىن جٷيەلٸ ەرٸ ساپالى ورىنداۋ قاجەت ەكەنٸن ايتتى. سونداي-اق تٷركٸستان ٶڭٸرٸن دامىتۋ جۇمىستارىن جالعاستىرۋدى تاپسىردى.
