Memleket basshysy Qazaqstan halqynyń jáne jeke óziniń atynan Túrikmenstan Prezidenti Gýrbangýly Berdymuhamedovke ákesi Mialikgýly Berdymuhamedovtiń qaitys bolýyna bailanysty kóńil aitty, dep habarlaidy "Ult aqparat" Aqordaǵa silteme jasap.
«Ákeńizdiń jarqyn beinesi jaqyndary men barsha otandastarynyń júreginde jaqsy adam, dana ustaz jáne ómirin Otanyna qaltqysyz qyzmet etýge arnaǵan shynaiy patriot retinde máńgilik saqtalady. Orny tolmas qaiǵyny bólise otyryp, Sizge jáne barsha jaqyn týystaryńyzǵa osyndai qiyn sátte sabyr men tózim tileimin» – dep jazylǵan jedelhatta.
