Memleket basshysy Qasym-Jomart Toqaev Túrikmenstan prezidentin quttyqtady, - dep habarlaidy "Ult aqparat" Aqorda saityna silteme jasap.
Memleket basshysy Qasym-Jomart Toqaev Prezident Gýrbangýly Berdimuhamedovke jedelhat joldady. Onda barsha qazaqstandyqtardyń jáne jeke óziniń atynan Túrikmenstannyń kóshbasshysy men túrikmen halqyn Táýelsizdiktiń 30 jyldyǵymen quttyqtaǵan.
"Bul tarihi data Sizdiń halqyńyzdyń jalpy ult bolyp uiysqanyn jáne jasampazdyq rýhynyń biik ekenin kórsetedi. Túrikmenstannyń memlekettiligi men ornyqtylyǵyn odan ári nyǵaitýda munyń máni zor. Sizdiń kóregen basshylyǵyńyzdyń arqasynda zamanaýi Túrikmenstan beitarap memleket retinde áleýmettik-ekonomikalyq jańǵyrý jáne halyqaralyq arenadaǵy ornyn nyǵaitý turǵysynan zor jetistikterge qol jetkizdi", - delingen jedelhatta.
