Foto: ©️ Tengrinews.kz / Turar Qazanǵapov
Memleket basshysynyń Jarlyǵymen Marat Muhanbetqazyuly Tájin Qazaqstan Respýblikasynyń Cheh Respýblikasyndaǵy Tótenshe jáne Ókiletti Elshisi laýazymynan bosatyldy, dep habarlaidy "Ult aqparat" Aqordanyń baspasóz qyzmetine silteme jasap.
Marat Muhanbetqazyuly TÁJIN 1960 jyly 8 sáýirde Aqtóbe qalasynda dúniege kelgen.
1981 jyly Almaty halyq sharýashylyǵy institýtyn, ekonomist mamandyǵy boiynsha bitirgen. Filosofiia ǵylymdarynyń kandidaty (1985). Áleýmettaný ǵylymdarynyń doktory (1988). London ýniversitetiniń doktoranty (1988). Professor (1993 jyl). Ystanbul ýniversitetiniń qurmetti professory (2008 jyl).
Qazaqstan Respýblikasy Áleýmettik ǵylymdar akademiiasynyń akademigi, Reseidiń áleýmettik ǵylymdar akademiiasynyń akademigi, Reseidiń jaratylystaný ǵylymdary akademiiasynyń sheteldik akademigi, Qazaqstan Respýblikasy saiasi ǵylymdar akademiiasynyń akademigi jáne prezidenti, Qazaqstan Respýblikasy áleýmettanýshylar qaýymdastyǵynyń prezidenti, Túrki tildes elder áleýmettanýshylar odaǵynyń prezidenti.
1981 jyldan bastap – Qaz KSR Ǵylym akademiiasy Óndiristik kúshterdi zertteý jónindegi keńestiń kishi ǵylymi qyzmetkeri. 1983-1987 jyldary – aspirant, S.M.Kirov atyndaǵy Qazaq memlekettik ýniversitetiniń oqytýshysy. 1991 jyly – ál-Farabi atyndaǵy QazMÝ janyndaǵy qoǵamdyq ǵylymdar oqytýshylarynyń biliktiligin arttyrý institýtynyń kafedra meńgerýshisi.
1992 jyly – Qazaqstan Respýblikasynyń Prezidenti jáne Ministrler Kabineti Apparatynyń ishki saiasat bólimi meńgerýshisiniń orynbasary; Qazaqstan Respýblikasynyń Prezidenti jáne Ministrler Kabineti Apparatynyń Aqparattyq-taldaý ortalyǵynyń jetekshisi; Qazaqstan Respýblikasynyń Prezidenti Apparatynyń Ishki saiasat bóliminiń meńgerýshisi.
1993 jyly – Qazaqstan Respýblikasynyń Prezidenti Apparaty basshysynyń orynbasary – Qazaqstan Respýblikasynyń Prezidenti Apparatynyń Aqparattyq-taldaý ortalyǵynyń jetekshisi. 1994 jyly – Qazaqstan Respýblikasy Prezidentiniń Memlekettik keńesshisi – Qazaqstan Respýblikasynyń Prezidenti Apparatynyń Aqparattyq-taldaý ortalyǵynyń jetekshisi.
1995 jyly – Qazaqstan Respýblikasynyń Prezidenti Ákimshiligi basshysynyń orynbasary – Qazaqstan Respýblikasynyń Prezidenti Ákimshiligi Taldaý jáne strategiialyq zertteýler ortalyǵynyń jetekshisi. 1999 jyly – Qazaqstan Respýblikasy Prezidentiniń Ulttyq qaýipsizdik máseleleri jónindegi kómekshisi.
2000 jyly – Qazaqstan Respýblikasy Sybailas jemqorlyqpen kúres jónindegi memlekettik komissiia tóraǵasy. 2001 jyly – Qazaqstan Respýblikasy Ulttyq qaýipsizdik komitetiniń tóraǵasy. 2001 jyly – Qazaqstan Respýblikasy Prezidentiniń Ulttyq qaýipsizdik máseleleri jónindegi kómekshisi – Qazaqstan Respýblikasy Qaýipsizdik keńesiniń hatshysy. 2002 jyly – Qazaqstan Respýblikasy Prezidenti Ákimshiligi basshysynyń birinshi orynbasary.
2006 jyly – Qazaqstan Respýblikasy Prezidentiniń kómekshisi – Qazaqstan Respýblikasy Qaýipsizdik keńesiniń hatshysy. 2007 jyly – Qazaqstan Respýblikasynyń Syrtqy ister ministri. 2009 jyly – Qazaqstan Respýblikasy Prezidentiniń kómekshisi – Qazaqstan Respýblikasy Qaýipsizdik keńesiniń hatshysy.
2013 jyly – Qazaqstan Respýblikasynyń Memlekettik hatshysy. 2014 jyly – Qazaqstan Respýblikasynyń Resei Federatsiiasyndaǵy Tótenshe jáne ókiletti elshisi. 2017 jyly – Qazaqstan Respýblikasy Prezidenti Ákimshiligi basshysynyń birinshi orynbasary.
2019 jyly 1 naýryzda Memleket basshysynyń Jarlyǵymen Qazaqstan Respýblikasynyń Memlekettik hatshysy bolyp taǵaiyndaldy.
2019 jyldyń qarasha aiynan beri Qazaqstan Respýblikasynyń memleket qairatkeri, Qazaqstan Respýblikasynyń Cheh Respýblikasyndaǵy Tótenshe jáne Ókiletti Elshisi qyzmetin atqardy.
«Qurmet» (2002), I dárejeli «Barys» (2007), II dárejeli «Barys» (2016) ordenderimen jáne alty medalmen marapattalǵan. Qazaqstan Respýblikasy ulttyq qaýipsizdik organdarynyń qurmetti qyzmetkeri. Tótenshe jáne ókiletti elshi dárejesine ie.
