Qazaqstan Prezidenti Qasym-Jomart Toqaev Tájikstan Prezidenti Emomali Rahmonmen telefon arqyly sóilesti, dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysy Prezident Emomali Rahmondy týǵan kúnimen quttyqtap, baýyrlas Tájikstan halqynyń igiligi úshin atqaryp kele jatqan jaýapty memlekettik qyzmetinde tabysqa jete berýine tilektestik bildirdi.
Qasym-Jomart Toqaev Emomali Rahmonnyń eki el arasyndaǵy dástúrli dostyqty jáne yntymaqtastyqty nyǵaitýǵa qosqan úlesin atap ótip, joǵary deńgeidegi belsendi saiasi dialog qazaq-tájik halyqtarynyń strategiialyq seriktestigin odan ári tereńdetýge septigin tigize beretinine senim bildirdi.
