Synaý jáne bardy joq qylý - ońai. QR Prezidenti Qasym-Jomart Toqaev Twitter-degi akkaýntynda osylai jazdy, dep habarlaidy "Ult aqparat".
«Búgingi igi isterimizdiń barlyǵy jastarǵa arnalǵan. Synaý jáne bardy joq qylý - ońai, al jasampazdyqtyń joly - qiyn. Izimizdi basqan jas býynǵa zor úmit artamyz. Búkil memlekettik júieni qamtityn reformalar jalǵasyn tabady», - dedi Memleket basshysy.
Aita keteiik, Prezident buǵan deiin el jastaryn bilimdi, ushqyr oily ári Otanyna adal dep biletinin jazǵan edi.
«Bilik pen qoǵamnyń dialogy Qazaqstannyń damýy jáne onyń qýatyn arttyrý týraly san alýan pikirlerdi negizge alýy tiis. Bul - ult birligi men el turaqtylyǵyn kúsheitýdiń basty joly. Bizdiń jastarymyz bilimdi, ushqyr oily, Otanyna adal! Olar óz armandaryna qol jetkizýi úshin barlyq múmkindikter jasalady», - dedi ol.
Eske salaiyq, Qazaqstannyń Tuńǵysh Prezidenti Nursultan Nazarbaev 2019 jyldy Jastar jyly retinde jariialaǵan bolatyn.
