Foto: Akorda.kz
Memleket basshysy Svevind Energy Group kompaniiasynyń bas direktory Volfgang Kroppty qabyldady, - dep habarlaidy "Ult aqparat" Aqordanyń baspasóz qyzmetine silteme jasap.
Svevind Energy Group kompaniiasynyń basshylyǵymen kezdesý barysynda Mańǵystaý oblysynda «jasyl» sýtegin óndirý jónindegi jobany júzege asyrýǵa daiyndyq máseleleri talqylandy.
Memleket basshysyna Eýropalyq Keńes Prezidenti Sharl Misheldiń byltyr Qazaqstanǵa jasaǵan sapary barysynda qol qoiylǵan Investitsiialyq kelisim aiasynda aldyn ala jobalaý-izdestirý jumystary (Pre-FEED) júrgizile bastaǵany jóninde málimet berildi.
Joba aiasynda sý tushytý zaýytyn, 40 gigavattyq jańartylatyn energiia kózderi (jel, kún) stantsiialaryn, sondai-aq qýaty 20GVt bolatyn ári jylyna 2 million tonna «jasyl» sýtegin nemese 11 million tonna «jasyl» ammiak óndire alatyn sýdy elektrolizdeý qondyrǵysyn salý jáne paidalaný kózdelip otyr. Investitsiianyń aldyn ala boljamdy kólemi 50 milliard evrodan asady.
Volfgang Kropp jobalyq qujattama 2026 jylǵa qarai aiaqtalatynyn aitty. Infraqurylym qurylysyn 2027 jyly bastap, 2032 jyly paidalanýǵa berý josparlanǵan.
Qasym-Jomart Toqaev elimiz úshin Hyrasia One jobasyn ýaqtyly júzege asyrýdyń strategiialyq mańyzy zor ekenin atap ótti.
Memleket basshysy atalǵan bastama Qazaqstandaǵy jańartylatyn energiia kózderi salasyn damytýda jetekshi jobalardyń biri bolatynyna ári elimizdiń kómirtegi beitaraptyǵyna qol jetkizý maqsatyna eleýli úles qosatynyna senim bildirdi.
