Foto: Akorda.kz
Memleket basshysy Qasym-Jomart Toqaev Aqmola oblysyna jumys sapary aiasynda Stepnogorsk qalasyndaǵy «Qazaqstannyń jylyjai tehnologiialary» JShS-ne bardy, dep habarlaidy "Ult aqparat" Aqordanyń resmi saityna silteme jasap.
Prezidentke jylyjai ónimderi – qiiar, qyzanaq, burysh jáne basqa da kókónister men gúl ósirýdiń zamanaýi tehnologiialary tanystyryldy.
Jylyjai kesheniniń jalpy aýdany – 5 gektar. Jobaǵa salynǵan investitsiianyń jalpy kólemi 4,8 milliard teńgeni quraidy. 2023 jyly baklajan jáne qulpynai ósirý bólimshelerin iske qosý josparlanyp otyr. Kompaniianyń ónimderi tolyǵymen Qazaqstannyń ishki naryǵynda satylady.
Óńir – aýyl sharýashylyǵy salasyndaǵy kóshbasshylardyń biri. Munda el boiynsha dándi daqyldardyń tórtten biri ósiriledi jáne úlken kólemde kókónister men qus eti óndiriledi.
Prezident óndiriletin ónimniń sapasyn baǵalap, onyń suranysqa ie ekenin atap ótti. Sondai-aq kompaniianyń eksporttyq múmkindikterine nazar aýdardy.
Memleket basshysy Aqmola oblysynyń aýyl sharýashylyǵy taýaryn óndirýshilerimen áńgimelesti. Kezdesý barysynda túitkildi máseleler kóterilip, otandyq agroónerkásip keshenin damytýǵa qatysty konstrýktivti usynystar aityldy.
Prezident jaǵdaidy jiti qadaǵalaitynyn, biznes ahýaly týraly jedel aqparat alatynyn atap ótti. Sondai-aq memleket otandyq kásipkerlerdi qoldaýdy jalǵastyratynyn jáne yntymaqtastyqtyń jańa formalary ázirlenetinin málimdedi.
