Memleket basshysy Stadler Rail AG kompaniiasy direktorlar keńesiniń tóraǵasy Peter Shpýlerdi qabyldady, - dep habarlaidy "Ult aqparat" Aqorda saityna silteme jasap.
Kezdesý barysynda Qazaqstanda jolaýshylar vagondaryn jasaý jónindegi jobany júzege asyrý máseleleri talqylandy.
Memleket basshysyna shveitsariialyq Stadler Rail AG kompaniiasynyń vagon jasaý zaýytyn jańǵyrtý, Qazaqstan aliýminiiin paidalaný jáne óndiristiń tolyq tsiklyn jolǵa qoiý jospary týraly málimet berildi.
Peter Shpýler 2030 jylǵa qarai óndiriske qajet bólshekterdi jergilikti jerde óndirý deńgeiin 35 paiyzǵa deiin arttyrý, sondai-aq qazaqstandyq ónimmen eksportqa shyǵý jospary týraly aitty.
Sonymen qatar, olar óndiristik bilim men sarapshylyq quzyretterdi úiretý máselelerin qarastyrdy. Kompaniia qazaqstandyq jastarǵa arnalǵan oqý ortalyqtaryn uiymdastyrýdy, sondai-aq otandyq kolledjdermen jáne ýniversitettermen qarym-qatynas ornatýdy josparlap otyr.
Prezident birlesken jobanyń júzege asyrylýy Qazaqstan men Shveitsariia arasyndaǵy saýda-ekonomikalyq yntymaqtastyqty nyǵaita túsetinine senim bildirdi.
