Foto: Aqordanyń baspasóz qyzmeti
Memleket basshysy premer-ministr Álihan Smaiylovty qabyldady, - dep habarlaidy "Ult aqparat" Aqorda saityna silteme jasap.
Prezidentke elimizdiń áleýmettik-ekonomikalyq damýy jáne 2023 jylǵa arnalǵan respýblikalyq biýdjettiń parametrlerin naqtylaý máseleleri baiandaldy.
Qasym-Jomart Toqaevqa álemdik ekonomikanyń ósimine qatysty boljamdardyń, sondai-aq osy jylǵa arnalǵan makroekonomikalyq kórsetkishterdiń buǵan deiin maquldanǵan deńgeide saqtalyp otyrǵany jóninde málimet berildi. Qazaqstannyń JIÓ-niń naqty ósimi 4 paiyz, al munai baǵasy barreline 85 dollar bolady dep josparlanyp otyr.
Premer-ministrdiń aitýynsha, biýdjet shyǵystaryn ishki qaita bólý jáne biýdjet túsimderin arttyrý esebinen 2,2 trillion teńgeni naqtylaý josparlanyp otyr. Osy rette shaǵyn jáne monoqalalardy damytýǵa, "Aýyl – el besigi" jobasyn iske asyrýǵa, eldi mekenderdi gazben qamtamasyz etýge, jylýmen qamtý júielerin salýǵa jáne rekonstrýktsiialaýǵa, azyq-túlik qaýipsizdigin saqtaýǵa, sondai-aq aýyl halqyn jappai jumyspen qamtý úshin jaǵdai jasaýǵa qosymsha qarjy bólý kózdelgen.
Kólik infraqurylymy men logistika salasyn damytý úshin joldar salýǵa jáne rekonstrýktsiialaýǵa qarjy bólý, poiyzdardy jańartý, jolaýshylar vagondaryn satyp alý josparlanǵan. Sonymen qatar óńdeý ónerkásibindegi iri jobalarǵa, eldiń qorǵanys qabileti men qaýipsizdigin qamtamasyz etý úshin armiiany jańǵyrtýǵa jáne áskeri qyzmet jaǵdaiyn jaqsartýǵa qosymsha qarajat bólý kózdelip otyr.
Kezdesý sońynda Prezident eldiń damýyna áleýmettik-ekonomikalyq turǵyda barynsha oń yqpal etý maqsatynda biýdjet qarajatynyń jumsalýyna baqylaýdy kúsheitýdiń mańyzdylyǵyn atap ótti.
