Memleket basshysy Qasym-Jomart Toqaev Prezident Ákimshiligine Soltústik Qazaqstan oblysy Aiyrtaý aýdanyna qonys aýdarǵan azamattarǵa arnalyp salynǵan turǵyn úilerdiń sapasyn tekserý týraly tapsyrma berdi, dep habarlaidy QR Prezidentiniń baspasóz hatshysy Berik Ýáli.
«Memleket basshysy «Kazahstanskaia pravda» gazetinde 24 mamyr kúni jariialanǵan «Zalojniki ravnodýshiia» atty maqalada aitylǵan máselege nazar aýdardy. Prezident Ákimshiligine Soltústik Qazaqstan oblysy Aiyrtaý aýdanyna qonys aýdarǵan azamattarǵa arnalyp salynǵan turǵyn úilerdiń sapasyn tekserý týraly tapsyrma berildi. Tekserý jumystarynyń qorytyndysy boiynsha tiisti shara qoldanylady» delingen habarlamada.
