Memleket basshysy Qasym-Jomart Toqaev Shanhai Yntymaqtastyq uiymyna múshe memleketterdi zamannyń kúrdeli máselelerin sheshý úshin tiimdi sheshim qabyldaýǵa shaqyrdy, dep habarlaidy "Ult aqparat".
«Geoekonomika salasynda eki poliarlyq tendentsiianyń – jahandaný men ultshyldyqtyń qaishylyǵyn kórip otyrmyz. BUU málimetterine sáikes, álemdik ekonomikanyń quldyraýy 2020 jyldyń qorytyndysy boiynsha 4,4 paiyzǵa jetedi. Halyqaralyq týristerdiń aǵymy shamamen 70 paiyzǵa deiin qysqarady. Tikelei investitsiialar aǵymynyń kólemi 40 paiyzǵa deiin quldyraidy. Osyndai jaǵdaida biz mańyzdy máseleler boiynsha tiimdi sheshim qabyldaýymyz kerek. ShYU-ny bizdiń azamattardyń túpkilikti múddesi úshin qiyn jaǵdaiǵa beiimdei alamyz ba? Shanhailyq rýh jáne úilesken jaýaptardy izdeýdegi ózara syily tájiribe – túbinde osynaý aýqymdy máseleni sheshýge kómektesetinine senemin», - dedi Qasym-Jomart Toqaev.
Prezident «Qazaqstan ortaq talpynys – «bári de adamdar» úshin degen maqsatqa jetý úshin jumsalýy kerek» dep esepteitinin aityp ótti.
«Dál osy maqsattan pandemiia men basqa da tegeýrinderdiń aldyndaǵy bizdiń ujymdyq immýnitetimizdiń bekitinin kórip otyrmyz», - dedi ol.
Aita ketsek, Memleket basshysy Qasym-Jomart Toqaev videokonferentsiia rejiminde ótip jatqan Shanhai Yntymaqtastyq uiymyna múshe memleketter basshylary keńesiniń otyrysynda qatysýda.
