Foto: Akorda.kz
Prezident Shymkent qalasynyń ákimi Murat Áitenovti qabyldady, - dep habarlaidy "Ult aqparat" Aqordanyń resmi saityna silteme jasap.
Memleket basshysyna úshinshi megapolistiń byltyrǵy áleýmettik-ekonomikalyq damý kórsetkishteri jóninde esep berilip, aldaǵy kezeńge arnalǵan jospary tanystyryldy.
Murat Áitenovtiń aitýynsha, ótken jyly qala ekonomikasyna tartylǵan investitsiia kólemi 13,8 paiyzǵa artyp, 549,4 milliard teńgege jetti. Shaǵyn jáne orta biznes sýbektileriniń sany 110 myńnan asty. Jalpy óńirlik ónim kóleminiń 40,7 paiyzy osy saladaǵy kásipkerlerge tiesili.
Memleket basshysynyń tapsyrmasy boiynsha biyl qalanyń damý perspektivasyn eskere otyryp, jańa bas jospar bekitilmek. Prezidentke jyl sońyna deiin qala tóńiregindegi aýdandardyń turǵyndary aýyzsýmen jáne elektr qýatymen tolyq qamtamasyz etiletini týraly baiandaldy. «Jaily mektep» ulttyq jobasy aiasynda Shymkentte 25 mektep salý josparlanǵan.
Kezdesý sońynda Qasym-Jomart Toqaev Murat Áitenovke áleýmettik máselelerdi sheshý, qala turǵyndarynyń turmys sapasyn arttyrý, sondai-aq Shymkent qalasyn odan ári damytý jóninde birqatar mindet júktedi.
