Qazaqstan Prezidenti Qasym-Jomart Toqaev "QazAgro" ulttyq basqarýshy holinginiń basshylyǵyn synǵa aldy, dep jazady Sputnik.
Onyń aitýynsha, QazAgronyń byltyrǵy shyǵyny 120 milliard teńgeden asqan.
"QazAgroǵa qatysty qatań shara qoldaný qajet. Bul ózi baiaǵydan sóz boldy. Basshylyqtyń mundai qurylymdy basqarýǵa qaýqarsyzdyǵyn kórsetip otyr. QazAgronyń 2018 jyldyń qorytyndysy boiynsha jinaqtalǵan qaryzy 120 milliard teńgeden asyp ketti. 672 qarjylandyrylǵan jobanyń 270-si nemese 40%-i toqtap tur. Suraq qoiýdyń da, túsindirýdiń de qajeti joq. Kompaniia tez arada reformalansyn", - dep málimdedi memleket basshysy úkimettiń keńeitilgen otyrysynda.
Holdingti basqarýǵa sheteldik mamandardy jumyldyrý jaiynda oilaný kerek, dep jalǵastyrdy Toqaev. Ol úkimetke problemany sheshý úshin eki ai ishinde naqty usynys daiyndaýdy tapsyrdy
"Kvazimemlekettik sektordyń iri sýbektileriniń jumysy qanshalyqty tiimdi ekenin anyqtaityn sát keldi. Ár ulttyq holding nemese ulttyq kompaniia Qazaqstanǵa, azamattarǵa paida ǵana ákelýi qajet. Kvazimemlekettik kompaniialardyń shyǵyny qorqynyshty tústei umyt bolsyn. Olar shyǵyn emes, tek kiris keltirýi tiis. Damý institýttary dál osy maqsatta damý institýttary bolyp qurylǵanyn umytpaiyq. Olar ekonomikany damytyp, halyqqa qyzmet etýi tiis", - dedi Toqaev.
"QazAgro" ulttyq basqarýshy holdingi" AQ 2006 jyly quryldy. Onyń maqsaty agroónerkásiptik keshenniń damýyna serpin berý boiynsha memlekettik saiasatty júzege asyrý bolatyn. Holding – aýyl sharýashylyǵyn damytýǵa baǵyttalǵan strategiialyq jobalardyń operatory
