Memleket basshysy Qasym-Jomart Toqaev uly jazýshy Muhtar Áýezovtiń Sholpan-Ata qalasyndaǵy mýzei-úiine bardy, - dep habarlaidy "Ult aqparat" Aqordanyń baspasóz qyzmetine silteme jasap.
Prezident mýzei-úide Áýezovtiń biýstin ashty jáne qurmetti qonaqtar kitabyna qoltańba qaldyrdy.
Muhtar Áýezovtiń Sholpan-Atadaǵy úii 1959 jyly salynǵan. Qazaqtyń uly jazýshysy bul úide 1959-1961 jyldary turyp, jumys istegen, sondai-aq óziniń "Ósken órken" atty sońǵy romanyn jazýdy bastaǵan. Biraq aiaqtap úlgermedi.
"1970 jyly qyrkúiekte munda Muhtar Áýezovtiń kitaphana-mýzeiiniń resmi ashylý rásimi ótti. Qazirgi ýaqytta mýzeide jazýshynyń jeke zattary: ústel, oryndyqtar, terbelmeli kreslo, ústel saǵaty, kiim ilgish, kitap shkafy, kitaptar saqtalǵan. Jazýshynyń qyzy Láilá Muhtarqyzynyń bastamasymen kitaphanaǵa alǵashqy 5000 dana kitap jinaldy. Qazir kitaphanadaǵy kitap qory – shamamen 12000 dana", - delingen habarlamada.
Kitaphana-mýzeide seminarlar, oqý konferentsiialary, kezdesýler ótkizilip turady.
