Halyq qazirgi ýaqytta kóp nesie alyp jatyr. Bul týraly QR Prezidenti Qasym-Jomart Toqaev aitty, dep habarlaidy QazAqparat.
«Qarjy júiesiniń turaqtylyǵy ekonomikany odan ary damytýdyń kepili ekeni belgili. Ekonomika ósip, halyqtyń tabysynda alshaqtyq paida bolǵandyqtan tutyný nesieleri aitarlyqtai artty. Onyń mólsheri biznesti nesieleý kóleminen asyp ketti. Halyq qazirgi ýaqytta kóp nesie alyp jatyr. Osyny eskersek, bul qarjy naryǵyn qubyltyp, áleýmettik turaqsyzdyq qaýipin týdyrýy múmkin. Úkimet jeke tulǵalardyń bankrottyǵy týraly zań jobasyn ázirleýdi bastady. Biraq, bul tyǵyryqtan shyǵaratyn jol emes. Eń aldymen shekten tys qaryzdyń kóbeiýin boldyrmaý kerek. Sondyqtan Qarjy naryǵyn retteý jáne damytý agenttigine Ulttyq bankpen prýdentsialdy retteý tetikteri arqyly naqty ári naqty sheshim qabyldaýdy tapsyramyn», - dedi Májilis otyrysyna beinebailanys arqyly qatysqan Qazaqstan Prezidenti.
