Foto: Aqorda
Memleket basshysy Qasym-Jomart Toqaev Ózbekstan prezidenti Shavkat Mirzieevti "Altyn Qyran" ordenimen marapattady.
Qasym-Jomart Toqaev Ózbekstan prezidentine Qazaqstan Respýblikasynyń eń joǵarǵy memlekettik nagradasy – "Altyn Qyran" ordenin tabys etti. Memleket basshysy Qazaqstanda Shavkat Mirzieevti Ózbek eliniń naǵyz kóshbasshysy, halyqaralyq deńgeidegi saiasatker, eki halyq arasyndaǵy dostyq pen yntymaqtastyqty nyǵaitýǵa ólsheýsiz úles qosqan kórnekti memleket qairatkeri retinde tanitynyn jáne qurmetteitinin aitty.
"Egemen el retinde damý jyldarynda eki memleket arasynda jan-jaqty seriktestik pen strategiialyq odaqtastyq jolǵa qoiyldy. Berik sharttyq-quqyqtyq baza qalyptasty. Shekarany tolyqtai shegendep aldyq. Ózara senimdi saiasi dialogtyń arqasynda biz saýda-ekonomikalyq jáne mádeni-gýmanitarlyq bailanystardy qarqyndy túrde ilgeriletip kelemiz. Negizgi halyqaralyq qurylymdar aiasynda tyǵyz yqpaldastyq ornattyq. Bir sózben aitqanda, qazirgi qazaq-ózbek qatynastary úlgi etýge turarlyq ári naǵyz baýyrlastyq deńgeide", - dedi prezident.
Shavkat Mirzieev ózin Qazaqstannyń eń joǵarǵy memlekettik nagradasymen marapattaǵany úshin Qasym-Jomart Toqaev pen baýyrlas qazaq halqyna rizashylyǵyn bildirdi.
"Bul marapatty eki halyq arasynda ǵasyrlar boiy jalǵasqan shynaiy dostyq jáne tatý kórshilik qatynastardy arttyrýǵa qosqan birlesken kúsh-jigerimizge berilgen laiyqty baǵa dep sanaimyn. Qazaqstan bizdiń eń jaqyn, senimdi ári ýaqyt synynan ótken seriktesimiz", - dedi Shavkat Mirzieev.
