Memleket basshysy Qasym-Jomart Toqaev Shymkent qalasynyń jurtshylyǵymen kezdesýinde Qazaqstan týyn qirandylardyń astynan alyp shyǵýǵa atsalysqan jergilikti turǵyndardy marapattady, - dep habarlaidy "Ult aqparat" Aqorda saityna silteme jasap.
"Prezident byltyr stadionda fýtbol matchy bolyp jatqanda sport kesheniniń shatyry týdyń tuǵyryn basyp qalǵanyn eske salyp, sol kezde turǵyndar qaýip-qaterge qaramastan, shatyrdyń astynan Kók bairaǵymyzdy alyp shyqqanyn erekshe atap ótti.
Olardyń Otanǵa degen adaldyǵyn jastarǵa úlgi etý keregin aitqan Memleket basshysy Ábilqaiyr Dáýletov, Bekmurat Qaraev jáne Nurken Namazǵa alǵysyn jariialady", - delingen Aqorda habarlamasynda.
Eske salaiyq, mamyrda TikTok jelisinde stadionnyń shatyry opyrylǵan sátte Shymkent turǵyndary úiindi astynan týdy alyp shyqqan video paida bolǵan edi.
