Foto: © Sputnik / Pavel Lisitsyn
Prezident Qaraǵandy oblysyndaǵy shahtada bolǵan órtke bailanysty birqatar tapsyrma berdi, dep habarlaidy "Ult aqparat" Aqordanyń resmi saityna silteme jasap.
Memleket basshysy «Qazaqstan» shahtasynda bolǵan órtke bailanysty Úkimetke jáne Qaraǵandy oblysynyń ákimdigine apat sebepterine jan-jaqty tergeý júrgizý, sondai-aq zardap shekkenderge qajet barlyq kómekti kórsetý jóninde tapsyrma berdi.
Úkimetke osy kásiporynǵa ielik etetin sheteldik kompaniiamen jumysshylardyń qaýipsizdigin múltiksiz qamtamasyz etý jóninde kelissóz júrgizý tapsyryldy.
Sheteldik kompaniiaǵa tiesili kásiporyndarda jii qaitalanatyn apattar olardyń investitsiialyq jáne ózge de mindettemelerin óreskel buzǵanyn kórsetedi. Atalǵan jaǵdailar olardyń Qazaqstan naryǵynda qyzmet etýine qatysty sheshim shyǵarýǵa yqpal etedi.
