Foto: Akorda.kz
Memleket basshysy Sankt-Peterbýrg qalasyndaǵy birqatar mádeni nysanǵa bardy, dep habarlaidy "Ult aqparat" Aqordanyń baspasóz qyzmetine silteme jasap.
Qasym-Jomart Toqaev Resei Federatsiiasyna jumys sapary barysynda Resei Prezidenti Vladimir Pýtin, Ázerbaijan Prezidenti Ilham Áliev, Armeniia Premer-ministri Nikol Pashinian, Belarýs Prezidenti Aleksandr Lýkashenko, Qyrǵyzstan Prezidenti Sadyr Japarov, Tájikstan Prezidenti Emomali Rahmon, Túrikmenstan Prezidenti Serdar Berdimuhamedov jáne Ózbekstan Prezidenti Shavkat Mirziioevpen birge Sankt-Peterbýrg qalasyndaǵy mádeni nysandardy aralap kórdi.
TMD memleketteri basshylarynyń birlesken ekskýrsiiasy «Pavlovsk» memlekettik mýzei-qoryǵynan bastaldy. Munda olar Pavlov saraiynyń zaldary men ekspozitsiialaryn tamashalady. Qonaqtardyń qurmetine saraidaǵy «Grek zaly» amfiteatrynda «Severnaia simfoniia» kontserti uiymdastyryldy. Mýzei-qoryq – XVIII ǵasyrdyń sońyndaǵy orys sáýlet óneriniń biregei úlgisi. Pavlov saraiy arhitektýralyq ansambldiń eń basty kórnekti bóligi sanalady. Bul mádeni mura IýNESKO-nyń qorǵaýyna alynǵan.
Sodan keiin memleketter basshylary «Tsarskoe selo» mýzei-qoryǵyn jáne Ekaterina saraiynyń zaldaryn aralap kórdi. «Tsarskoe selo» sarai-saiabaq ansambli – HVIII ǵasyr men XX ǵasyrdyń basyndaǵy álemdik sáýlet jáne baǵbandyq ónerdi aishyqtaityn eskertkish. Orys imperatorlarynyń burynǵy jazǵy rezidentsiiasy – Reseidegi halyq kóp baratyn mýzeilerdiń biri. Murajaiǵa 2022 jyly 2,9 million adam kelgen. Keshenniń negizigi nysany sanalatyn Ekaterina saraiynda álemge áigili Iantar bólmesi ornalasqan.
Prezidentterdiń úshinshi ekskýrsiiasy «Petergof» memlekettik mýzei-qoryǵynyń Úlken Petergof saraiynda jalǵasty.
Delegatsiia basshylary sándik-qoldanbaly óner buiymdary, músin jáne keskindeme óneriniń týyndylary men jihazdar qoiylǵan biregei sáýlet eskertkishin tamashalady.
Petergof mýzei-qoryǵy 33 mýzeiden, 414 gektar aýmaqty alyp jatqan saiabaqtar men baqtardan jáne 150-den astam sýburqaqtan turady. Sorǵy stantsiialarynyń joqtyǵy sýburqaq júiesiniń tarihi jáne mádeni eskertkish retindegi biregeiligi sanalady. Injenerlik sheshimniń arqasynda sý 300 jyl burynǵydai biiktik pen ártúrli deńgeidegi sýburqaqtar arasynan tabiǵi túrde qulai aǵyp jatyr. Sondyqtan Petergof sýburqaqtary sáýirdiń aiaǵynan qazan aiynyń ortasyna deiin kún saiyn tańerteńnen keshke deiin jumys isteidi.
