فوتو: Akorda.kz
مەملەكەت باسشىسى سانكت-پەتەربۋرگ قالاسىنداعى بٸرقاتار مەدەني نىسانعا باردى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
قاسىم-جومارت توقاەۆ رەسەي فەدەراتسيياسىنا جۇمىس ساپارى بارىسىندا رەسەي پرەزيدەنتٸ ۆلاديمير پۋتين, ەزەربايجان پرەزيدەنتٸ يلحام ەليەۆ, ارمەنييا پرەمەر-مينيسترٸ نيكول پاشينيان, بەلارۋس پرەزيدەنتٸ الەكساندر لۋكاشەنكو, قىرعىزستان پرەزيدەنتٸ سادىر جاپاروۆ, تەجٸكستان پرەزيدەنتٸ ەمومالي راحمون, تٷرٸكمەنستان پرەزيدەنتٸ سەردار بەردٸمۇحامەدوۆ جەنە ٶزبەكستان پرەزيدەنتٸ شاۆكات ميرزييوەۆپەن بٸرگە سانكت-پەتەربۋرگ قالاسىنداعى مەدەني نىسانداردى ارالاپ كٶردٸ.
تمد مەملەكەتتەرٸ باسشىلارىنىڭ بٸرلەسكەن ەكسكۋرسيياسى «پاۆلوۆسك» مەملەكەتتٸك مۋزەي-قورىعىنان باستالدى. مۇندا ولار پاۆلوۆ سارايىنىڭ زالدارى مەن ەكسپوزيتسييالارىن تاماشالادى. قوناقتاردىڭ قۇرمەتٸنە سارايداعى «گرەك زالى» امفيتەاترىندا «سەۆەرنايا سيمفونييا» كونتسەرتٸ ۇيىمداستىرىلدى. مۋزەي-قورىق – XVIII عاسىردىڭ سوڭىنداعى ورىس سەۋلەت ٶنەرٸنٸڭ بٸرەگەي ٷلگٸسٸ. پاۆلوۆ سارايى ارحيتەكتۋرالىق انسامبلدٸڭ ەڭ باستى كٶرنەكتٸ بٶلٸگٸ سانالادى. بۇل مەدەني مۇرا يۋنەسكو-نىڭ قورعاۋىنا الىنعان.
سودان كەيٸن مەملەكەتتەر باسشىلارى «تسارسكوە سەلو» مۋزەي-قورىعىن جەنە ەكاتەرينا سارايىنىڭ زالدارىن ارالاپ كٶردٸ. «تسارسكوە سەلو» ساراي-ساياباق انسامبلٸ – حVIII عاسىر مەن XX عاسىردىڭ باسىنداعى ەلەمدٸك سەۋلەت جەنە باعباندىق ٶنەردٸ ايشىقتايتىن ەسكەرتكٸش. ورىس يمپەراتورلارىنىڭ بۇرىنعى جازعى رەزيدەنتسيياسى – رەسەيدەگٸ حالىق كٶپ باراتىن مۋزەيلەردٸڭ بٸرٸ. مۇراجايعا 2022 جىلى 2,9 ميلليون ادام كەلگەن. كەشەننٸڭ نەگٸزٸگٸ نىسانى سانالاتىن ەكاتەرينا سارايىندا ەلەمگە ەيگٸلٸ يانتار بٶلمەسٸ ورنالاسقان.
پرەزيدەنتتەردٸڭ ٷشٸنشٸ ەكسكۋرسيياسى «پەتەرگوف» مەملەكەتتٸك مۋزەي-قورىعىنىڭ ٷلكەن پەتەرگوف سارايىندا جالعاستى.
دەلەگاتسييا باسشىلارى سەندٸك-قولدانبالى ٶنەر بۇيىمدارى, مٷسٸن جەنە كەسكٸندەمە ٶنەرٸنٸڭ تۋىندىلارى مەن جيھازدار قويىلعان بٸرەگەي سەۋلەت ەسكەرتكٸشٸن تاماشالادى.
پەتەرگوف مۋزەي-قورىعى 33 مۋزەيدەن, 414 گەكتار اۋماقتى الىپ جاتقان ساياباقتار مەن باقتاردان جەنە 150-دەن استام سۋبۇرقاقتان تۇرادى. سورعى ستانتسييالارىنىڭ جوقتىعى سۋبۇرقاق جٷيەسٸنٸڭ تاريحي جەنە مەدەني ەسكەرتكٸش رەتٸندەگٸ بٸرەگەيلٸگٸ سانالادى. ينجەنەرلٸك شەشٸمنٸڭ ارقاسىندا سۋ 300 جىل بۇرىنعىداي بيٸكتٸك پەن ەرتٷرلٸ دەڭگەيدەگٸ سۋبۇرقاقتار اراسىنان تابيعي تٷردە قۇلاي اعىپ جاتىر. سوندىقتان پەتەرگوف سۋبۇرقاقتارى سەۋٸردٸڭ اياعىنان قازان ايىنىڭ ورتاسىنا دەيٸن كٷن سايىن تاڭەرتەڭنەن كەشكە دەيٸن جۇمىس ٸستەيدٸ.
