Memleket basshysy Qazaqstannyń Halyq ártisi Roza Rymbaevany nagradtaý týraly Jarlyqqa qol qoidy.
"Ulttyq mádenietti damytýǵa qosqan airyqsha úlesi, án ónerin nasihattaýdaǵy erekshe eńbegi úshin "Qazaqkontsert" memlekettik kontserttik uiymynyń ártisi Roza Rymbaevaǵa joǵary dárejeli erekshelik belgisi – "Qazaqstannyń Eńbek Eri" ataǵy berilip, airyqsha erekshelik belgisi – Altyn juldyz ben "Otan" ordeni tapsyrylsyn", - dep jazylǵan Qaýlyda.
Roza Rymbaeva 1957 jyly 28 qazanda Semei oblysy, Jarma aýdany, Jańǵyztóbe stantsiiasynda týǵan. Ata-anasy onyń esimin Roza Baǵlanovanyń qurmetine qoiypty.
1974 jyly Semeidegi mýzykalyq ýchilishege túsip, 3 jyl oqidy. Budan keiin Almatydaǵy teatraldyq-kórkem óner institýtynda oqyp, ony 1984 jyly támamdaidy. Almaty qalasyndaǵy teatrlyq kórkemdik institýttyń mýzykalyq dramalyq komediiasy fakýltetin bitirgen.
Roza Rymbaeva 1977 jyly Bolgariiadaǵy "Zolotoi Orfei" festivalinde Keńes Odaǵynyń batyry Áliia Moldaǵulovaǵa arnalǵan "Áliia" ánin shyrqaǵan soń erekshe tanymal boldy. Ol gran-pri utyp aldy.
KSRO-da Alla Pýgacheva men Sofiia Rotarý syndy úlken tanymaldylyqqa ie boldy.
Sondai-aq, prezident jarlyǵymen óndiristik qyzmettegi erekshe eńbegi úshin dál osyndai qurmetti ataqqa "Qazaqmys korporatsiiasy" JShS filialy – "Jezqazǵantústimet" ken óndiristik kesheniniń uńǵylaýshysy Tursynbek Mákishev ie boldy.
Jarlyq qol qoiylǵan kúninen bastap qoldanysqa engiziledi.
