مەملەكەت باسشىسى قازاقستاننىڭ حالىق ەرتٸسٸ روزا رىمباەۆانى ناگرادتاۋ تۋرالى جارلىققا قول قويدى.
"ۇلتتىق مەدەنيەتتٸ دامىتۋعا قوسقان ايرىقشا ٷلەسٸ, ەن ٶنەرٸن ناسيحاتتاۋداعى ەرەكشە ەڭبەگٸ ٷشٸن "قازاقكونتسەرت" مەملەكەتتٸك كونتسەرتتٸك ۇيىمىنىڭ ەرتٸسٸ روزا رىمباەۆاعا جوعارى دەرەجەلٸ ەرەكشەلٸك بەلگٸسٸ – "قازاقستاننىڭ ەڭبەك ەرٸ" اتاعى بەرٸلٸپ, ايرىقشا ەرەكشەلٸك بەلگٸسٸ – التىن جۇلدىز بەن "وتان" وردەنٸ تاپسىرىلسىن", - دەپ جازىلعان قاۋلىدا.
روزا رىمباەۆا 1957 جىلى 28 قازاندا سەمەي وبلىسى, جارما اۋدانى, جاڭعىزتٶبە ستانتسيياسىندا تۋعان. اتا-اناسى ونىڭ ەسٸمٸن روزا باعلانوۆانىڭ قۇرمەتٸنە قويىپتى.
1974 جىلى سەمەيدەگٸ مۋزىكالىق ۋچيليششەگە تٷسٸپ, 3 جىل وقيدى. بۇدان كەيٸن الماتىداعى تەاترالدىق-كٶركەم ٶنەر ينستيتۋتىندا وقىپ, ونى 1984 جىلى تەمامدايدى. الماتى قالاسىنداعى تەاترلىق كٶركەمدٸك ينستيتۋتتىڭ مۋزىكالىق درامالىق كومەديياسى فاكۋلتەتٸن بٸتٸرگەن.
روزا رىمباەۆا 1977 جىلى بولگاريياداعى "زولوتوي ورفەي" فەستيۆالٸندە كەڭەس وداعىنىڭ باتىرى ەلييا مولداعۇلوۆاعا ارنالعان "ەلييا" ەنٸن شىرقاعان سوڭ ەرەكشە تانىمال بولدى. ول گران-پري ۇتىپ الدى.
كسرو-دا اللا پۋگاچەۆا مەن سوفييا روتارۋ سىندى ٷلكەن تانىمالدىلىققا يە بولدى.
سونداي-اق, پرەزيدەنت جارلىعىمەن ٶندٸرٸستٸك قىزمەتتەگٸ ەرەكشە ەڭبەگٸ ٷشٸن دەل وسىنداي قۇرمەتتٸ اتاققا "قازاقمىس كورپوراتسيياسى" جشس فيليالى – "جەزقازعانتٷستٸمەت" كەن ٶندٸرٸستٸك كەشەنٸنٸڭ ۇڭعىلاۋشىسى تۇرسىنبەك مەكٸشەۆ يە بولدى.
جارلىق قول قويىلعان كٷنٸنەن باستاپ قولدانىسقا ەنگٸزٸلەدٸ.
