Qazaqstan Prezidenti Royal Dutch Shell plc kompaniiasynyń bas atqarýshy direktory Ben van Berdendi qabyldady, dep habarlaidy "Ult aqparat" Aqordaǵa silteme jasap.
Memleket basshysyna transulttyq kompaniianyń energetika jáne munai-himiia salalaryndaǵy jobalardy júzege asyrýy jóninde málimet berildi.
– Shell kásiporny Qashaǵan, Karashyǵanaq, Kaspii qubyr jelisi konsortsiýmy siiaqty iri jobalarǵa belsendi qatysýda. Sizdiń Sheteldik investorlar keńesine qatysqanyńyzǵa qýanyshtymyn. Bul bizdiń yntymaqtastyǵymyzǵa oń yqpal etedi, – dedi Qazaqstan Prezidenti.
Kompaniia basshysy birlesken jobalardy odan ári jemisti iske asyrýǵa senim bildirdi.
– Biz Qazaqstanmen ózara tiimdi seriktestikti jalǵastyrýdy jáne mindettemelerimizdiń bárin oryndaýdy kózdeimiz. Aldaǵy ýaqytta elińizdegi birlesken jobalardyń óndirý kórsetkishterin arttyrýdy josparlap otyrmyz, – dedi Ben van Berden.
