© AP Photo / Gregorio Borgia
Memleket basshysy óziniń jedelhatynda Rim Papasy XVI Benedikttiń ómirden ozǵany týraly sýyt habardy tereń kúizelispen qabyl alǵanyn jetkizdi, - dep habarlaidy "Ult aqparat" Aqordanyń resmi saityna silteme jasap.
"Katolik shirkeýiniń burynǵy kóshbasshysyn álemge tanymal rýhani qairatker, beibitshilik pen ózara túsinistikti, gýmanizm ideialaryn ilgeriletý jolynda qajyrly eńbek sińirgen uly tulǵa dep bilemiz. Adamzat balasyna amanat etilgen qundylyqtardy qorǵaýǵa aitarlyqtai úles qosqan Asa Qasietti XVI Benedikttiń jarqyn beinesi álem jurtshylyǵynyń jadynda máńgi saqtalady. Qaraly sátte qaiǵylaryńyzǵa ortaqtasyp, Qazaqstan halqynyń jáne jeke ózimniń atymnan kúlli katolik qaýymyna kóńil aitamyn", - dep jazylǵan jedelhatta.
