Memleket basshysy Qasym-Jomart Toqaev Qazaqstan men Reseidiń mádeni-gýmanitarlyq saladaǵy yntymaqtastyǵynyń mańyzy zor ekenin atap ótti, dep habarlaidy "Ult aqparat".
«Mádeni-gýmanitarlyq saladaǵy yntymaqtastyqtyń da mańyzy zor. Bul rette keleshegi áleýetti salalardyń qataryna sporttyq bilim, sporttyq meditsina, birlesken oqý-jattyǵý jiyndaryn ótkizý, áýesqoi jáne kásibi sport túrlerin damytý jumystaryn atap ótýge bolady. Osyǵan bailanysty sport salasyndaǵy birlesken úsh jyldyq baǵdarlamany ázirleýdi usynamyz», - dedi Prezident Ombyda ótip jatqan «Shekara mańy yntymaqtastyǵyn damytýdyń ózekti máseleleri» atty Qazaqstan men Resei arasyndaǵy XVI óńiraralyq yntymaqtastyq forýmynda.
Memleket basshysy sonymen qatar, ǵylym salasyndaǵy yntymaqtastyqtyń da bolashaǵy jarqyn ekenine senim bildirdi.
«Ásirese, fýndamentaldy ǵylymdaǵy seriktestikti nyǵaitý kerek. Qazaqstannyń astanasynda Baýman atyndaǵy ýniversitet bazasynda fizika-matematikalyq mektep ashý bastamasyn qoldaimyz. Sonymen birge, Reseidiń shekaralas óńirleriniń birine Nazarbaev Ziiatkerlik mektebiniń filialyn ashýǵa da bolady. Ol mektepte bilim berý deńgeii óte joǵary ári jetekshi elderdiń standarttaryna sai keledi», - dedi ol.
