Foto: Akorda.kz
Prezident Qasym-Jomart Toqaev Resei jáne Qytai elshilerin qabyldady, - dep habarlaidy "Ult aqparat" Aqorda saityna silteme jasap.
Memleket basshysy Resei Federatsiiasynyń elshisi Aleksei Borodavkinmen áńgimelesý barysynda Prezident Vladimir Pýtinniń Qazaqstanǵa aldaǵy saparynyń, sondai-aq biyl kúzde Qostanaida ótetin XIX Óńiraralyq yntymaqtastyq forýmyn ótkizýdiń mańyzdylyǵyn atap ótti.
Budan bólek, Qazaqstan men Resei arasyndaǵy jan-jaqty strategiialyq seriktestiktiń qazirgi jai-kúii men perspektivalary talqylandy.
Qytai Halyq Respýblikasynyń Qazaqstandaǵy elshisi Chjan Siaomen kezdesýde biyl mamyr aiynda Sian qalasynda ótetin "Ortalyq Aziia + Qytai" sammitiniń jáne Prezident Qasym-Jomart Toqaevtyń QHR-ǵa josparlanǵan memlekettik saparynyń ózektiligi sóz boldy.
Sondai-aq ekijaqty qatynastardy odan ári nyǵaitý, ekonomikalyq, investitsiialyq jáne mádeni-gýmanitarlyq bailanystardy keńeitý mańyzdy ekenine nazar aýdaryldy.
Memleket basshysy Qytai Tóraǵasy Si Tszinpinniń Ýkrainaǵa qatysty jaǵdaidy saiasi turǵyda retteý jónindegi bitimgershilik áreketine joǵary baǵa berdi.
