Memleket basshysy Qasym-Jomart Toqaev Daǵystandaǵy pravoslavie shirkeýi men sinagogaǵa lańkestik áreketter jasalyp, sonyń saldarynan din jáne quqyq qorǵaý organdary qyzmetkerleriniń qaza bolýyna bailanysty Resei Prezidenti Vladimir Pýtinge kóńil aitty, dep habarlaidy "Ult aqparat".
Qazaqstan Prezidenti quqyq qorǵaý júiesi arqyly jedel-izdestirý sharalaryn júrgizýde kómek kórsetýge daiyn ekenin jetkizdi.
Memleket basshysy adamzatqa qarsy jasalǵan mundai áreketti úzildi-kesildi aiyptaidy, sondai-aq, BUU, ShYU jáne basqa da bedeldi halyqaralyq uiymdar aiasynda lańkestikpen kúresý úshin kópjaqty yntymaqtastyqty damytýdy qoldaidy.
Aita keteiik, 23 maýsym kúni Daǵystanda belgisiz bireýler pravoslav shirkeýi men sinagogaǵa shabýyl jasady. Keshki ýaqytta Daǵystanda eki terakt jasaldy. Sodyrlar bir ýaqytta Mahachkala men Derbentke shabýyl jasady.
Sońǵy derekterge sáikes terrakt saldarynan 15 politsei kóz jumyp, 34 adam jaralandy. Daǵystanda terrorizmge qarsy operatsiia rejimi engizildi.
