Prezident Qasym-Jomart Toqaev Resei men Batys arasyndaǵy sanktsiialyq soǵysqa qatysty Qazaqstannyń ustanymy týraly aitty, dep habarlaidy QazAqparat.
«Sanktsiianyń aty sanktsiia. Olardy buzbaýymyz kerek. Onyń ústine sanktsiialar buzylǵan jaǵdaida bizdiń ekonomikamyzǵa da Batystyń «qaitalama sanktsiialary» salynatyny týraly eskertpeler alamyz. Iaǵni «Stsilla men Haribda arasyndaǵy» jol sekildi óte kúrdeli ári názik jumys júrip jatyr», - dedi Memleket basshysy reseilik jýrnalist Andrei Kondrashovqa bergen suhbatynda.
Sonymen birge Prezident Resei úkimetimen jumys jalǵasyp jatqanyn aitty.
«Resei úkimetimen jumysty jalǵastyryp jatqanymyzdy atap ótkim keledi, tipti sanktsiialardy buzbai-aq qajetti kelisimderge qol jetkizýdemiz. Kúrdeli suraqtar da bar, olar osy nemese basqa jaǵdaidy qalai sheshýge bolatynyn túsiný úshin ýaqytty qajet etedi. Degenmen bul máselelerdiń de sheshimin taýyp jatyrmyz. Mundai jaǵdai buryn-sońdy bolǵan joq. Dál qazirgi jaǵdaida bolarymyzdy eshkim kútken joq. Biraq shyndyq osy, atalǵan jaǵdaidan týyndaityn máselelerdi sheshýimiz kerek», - dedi Toqaev.
