پرەزيدەنت قاسىم-جومارت توقاەۆ رەسەي مەن باتىس اراسىنداعى سانكتسييالىق سوعىسقا قاتىستى قازاقستاننىڭ ۇستانىمى تۋرالى ايتتى, دەپ حابارلايدى قازاقپارات.
«سانكتسييانىڭ اتى سانكتسييا. ولاردى بۇزباۋىمىز كەرەك. ونىڭ ٷستٸنە سانكتسييالار بۇزىلعان جاعدايدا بٸزدٸڭ ەكونوميكامىزعا دا باتىستىڭ «قايتالاما سانكتسييالارى» سالىناتىنى تۋرالى ەسكەرتپەلەر الامىز. ياعني «ستسيللا مەن حاريبدا اراسىنداعى» جول سەكٸلدٸ ٶتە كٷردەلٸ ەرٸ نەزٸك جۇمىس جٷرٸپ جاتىر», - دەدٸ مەملەكەت باسشىسى رەسەيلٸك جۋرناليست اندرەي كوندراشوۆقا بەرگەن سۇحباتىندا.
سونىمەن بٸرگە پرەزيدەنت رەسەي ٷكٸمەتٸمەن جۇمىس جالعاسىپ جاتقانىن ايتتى.
«رەسەي ٷكٸمەتٸمەن جۇمىستى جالعاستىرىپ جاتقانىمىزدى اتاپ ٶتكٸم كەلەدٸ, تٸپتٸ سانكتسييالاردى بۇزباي-اق قاجەتتٸ كەلٸسٸمدەرگە قول جەتكٸزۋدەمٸز. كٷردەلٸ سۇراقتار دا بار, ولار وسى نەمەسە باسقا جاعدايدى قالاي شەشۋگە بولاتىنىن تٷسٸنۋ ٷشٸن ۋاقىتتى قاجەت ەتەدٸ. دەگەنمەن بۇل مەسەلەلەردٸڭ دە شەشٸمٸن تاۋىپ جاتىرمىز. مۇنداي جاعداي بۇرىن-سوڭدى بولعان جوق. دەل قازٸرگٸ جاعدايدا بولارىمىزدى ەشكٸم كٷتكەن جوق. بٸراق شىندىق وسى, اتالعان جاعدايدان تۋىندايتىن مەسەلەلەردٸ شەشۋٸمٸز كەرەك», - دەدٸ توقاەۆ.
