Qazaqstan Prezidenti Qasym-Jomart Toqaev Sheteldik investorlar keńesiniń 33-jalpy otyrysynda otandyq QazVac vaktsinasyn Dúnejúzilik densaýlyq saqtaý uiymynyń tizimine qosýdy usyndy, dep habarlaidy "Ult aqparat".
«Qazaqstan óziniń ǵylymi áleýetiniń arqasynda koronavirýsqa qarsy QazVac vaktsinasyn ázirlep, óndiriske shyǵarǵan sanaýly ǵana elderdiń biri ekendigin atap ótkim keledi. Ótken aptada ǵana men Dúniejúzilik densaýlyq saqtaý uiymynyń bas direktorymen kezdesý ótkizdim. Bul uiym tótenshe jaǵdailarda paidalaný úshin usynylatyn medikamentterdiń tizimine QazVac vaktsinasyn qosý máselesin qarastyrady. Biz vaktsina óndirisin arttyrýǵa jáne onyń shetelge eksportyn jolǵa qoiýǵa daiyn ekendigimizdi aitqym keledi», - dedi Memleket basshysy.
