foto: Tengrinews.kz
«Habar-24» telearnasyna bergen ekskliýzivti suhbatynda QR Prezidenti Qasym-Jomart Toqaev Konstitýtsiia boiynsha eki merzim ǵana Memleket basshysy bola alatynyn eske saldy, habarlaidy QazAqparat.
«Ótkendi synamai-aq qoiaiyq. Túptep kelgende, bul - bizdiń tarihymyz. Meniń Prezident retindegi missiiam búkil qoǵam men búkil saiasi júieni transformatsiialaýda, eń aqyrynda ekonomikada jaǵymdy nátijelerge qol jetkizý dep esepteimin.
Qazaqstan halqyna birinshi ret Joldaýmen shyqqan kezde saiasat pen ekonomika birge júretinin aitqanmyn. Bizdiń tarihi jaǵdaida «Áýeli ekonomikamen ainalysaiyq, saiasat kúte turady» deýge bolmaidy. Ekonomikanyń jandanýynda saiasat ta úlken ról atqaratyn bolyp shyqty», - degen Prezident Markstiń iliminde de ekonomika negizgi bazis bolǵanymen, oǵan saiasi baǵyt serpin beretini týraly aitylǵanyn eske saldy.
«Qoǵamnyń saiasi transformatsiiasymen de, ekonomikany jandandyrýmen de bir mezette ainalysý kerek. Bul – meniń missiiam. Qalai degenmen de, men Qazaqstan Prezidenti retinde qanshalyqty uzaq bolatynymdy bilmeimin. Biraq Konstitýtsiia boiynsha, eki merzimnen artyq otyrmaitynymdy naqty bilemin. Iaǵni, eshqandai zańdy, ásirese Konstitýtsiiany qoldan ózgertý bolmaidy», - dedi Qasym-Jomart Toqaev.
