Qasym-Jomart Toqaev Prezident Ákimshiliginiń basshylyq quramymen keńes ótkizdi, dep habarlaidy "Ult aqparat" Aqordaǵa silteme jasap.
Memleket basshysy jiynǵa qatysýshylarǵa Prezident Ákimshiliginiń jańa Basshysy Qyrymbek Kósherbaevty tanystyrdy.
– Qyrymbek Eleýulyn bárińiz jaqsy bilesizder. Ol elimizge belgili, tanymal azamat. Qyrymbek Eleýuly – túrli basqarý ortalyqtarynda jaýapty qyzmet atqarǵan tájiribeli basshy. Memleketimizdiń damý jaǵdaiyn jaqsy biledi. Tapsyrylǵan jumystardyń bárin joǵary deńgeide atqarady dep senemin, – dedi Qasym-Jomart Toqaev.
Memleket basshysy Prezident Ákimshiliginiń halyqtyń ál-aýqatyn arttyrý isinde mańyzdy ról atqaratynyn atap ótip, onyń qyzmetiniń negizgi basymdyqtaryn belgilep berdi.
– Biz sailaýaldy tuǵyrnamanyń is-qimyldar jospary men basqa da mańyzdy baǵdarlamalardy júzege asyrýǵa kirisemiz. Prezident Ákimshiligi barlyq bastamalardyń, baǵdarlamalar men strategiialardyń múltiksiz oryndalýyna jaýap beretinine kóńil aýdarǵym keledi, – dedi Memleket basshysy.
Keńes qorytyndysy boiynsha Qazaqstan Prezidenti birqatar naqty tapsyrma berdi.
