قاسىم-جومارت توقاەۆ پرەزيدەنت ەكٸمشٸلٸگٸنٸڭ باسشىلىق قۇرامىمەن كەڭەس ٶتكٸزدٸ, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى جيىنعا قاتىسۋشىلارعا پرەزيدەنت ەكٸمشٸلٸگٸنٸڭ جاڭا باسشىسى قىرىمبەك كٶشەرباەۆتى تانىستىردى.
– قىرىمبەك ەلەۋۇلىن بەرٸڭٸز جاقسى بٸلەسٸزدەر. ول ەلٸمٸزگە بەلگٸلٸ, تانىمال ازامات. قىرىمبەك ەلەۋۇلى – تٷرلٸ باسقارۋ ورتالىقتارىندا جاۋاپتى قىزمەت اتقارعان تەجٸريبەلٸ باسشى. مەملەكەتٸمٸزدٸڭ دامۋ جاعدايىن جاقسى بٸلەدٸ. تاپسىرىلعان جۇمىستاردىڭ بەرٸن جوعارى دەڭگەيدە اتقارادى دەپ سەنەمٸن, – دەدٸ قاسىم-جومارت توقاەۆ.
مەملەكەت باسشىسى پرەزيدەنت ەكٸمشٸلٸگٸنٸڭ حالىقتىڭ ەل-اۋقاتىن ارتتىرۋ ٸسٸندە ماڭىزدى رٶل اتقاراتىنىن اتاپ ٶتٸپ, ونىڭ قىزمەتٸنٸڭ نەگٸزگٸ باسىمدىقتارىن بەلگٸلەپ بەردٸ.
– بٸز سايلاۋالدى تۇعىرنامانىڭ ٸس-قيمىلدار جوسپارى مەن باسقا دا ماڭىزدى باعدارلامالاردى جٷزەگە اسىرۋعا كٸرٸسەمٸز. پرەزيدەنت ەكٸمشٸلٸگٸ بارلىق باستامالاردىڭ, باعدارلامالار مەن ستراتەگييالاردىڭ مٷلتٸكسٸز ورىندالۋىنا جاۋاپ بەرەتٸنٸنە كٶڭٸل اۋدارعىم كەلەدٸ, – دەدٸ مەملەكەت باسشىسى.
كەڭەس قورىتىندىسى بويىنشا قازاقستان پرەزيدەنتٸ بٸرقاتار ناقتى تاپسىرما بەردٸ.
