Foto: Aqordanyń baspasóz qyzmeti
Prezident Qasym-Jomart Toqaev Úkimet otstavkaǵa ketkennen keiin Premer-ministr laýazymyna kandidatty kim usynatynyn aitty, - dep habarlaidy "Ult aqparat" Aqordanyń baspasóz qyzmetine silteme jasap.
"Men Premer-ministrdiń kandidatýrasyn sailaýda jeńiske jetken partiia Memleket basshysyna usynýǵa quqyly dep aittym. Osy rette, saiasi jaýapkershilik te sol partiiaǵa júkteledi. Bul tásil "kúshti Prezident – yqpaldy Parlament – esep beretin Úkimet" tujyrymdamasyna sai keledi", - dedi Memleket basshysy.
Sondai-aq Toqaev Úkimet áleýmettik-ekonomikalyq reformalardy iske asyrýǵa tiis ekenin eskertti.
"Bolashaqta Úkimettegi jáne aimaqtardaǵy basshylyq qyzmetterge túrli partiia ókilderin tartqan jón. Ol úshin saiasi partiialardyń kadrlyq rezervin jasaqtaýdy usynamyn. Sondai-aq, ókildi jáne atqarýshy biliktiń qarym-qatynasy jańasha sipatqa ie bolady", - dedi Prezident VIII sailanǵan Parlamenttiń birinshi sessiiasynyń ashylýynda.
