Qasym-Jomart Toqaev pen Si Tszinpin «Qazaqstan – Qytai: myńjyldyq dialog» atty kórmeni tamashalady, dep habarlaidy "Ult aqparat" Aqordanyń resmi saityna silteme jasap.
Resmi kelissózder aiaqtalǵannan keiin memleketter basshylary eki eldiń kóne zamannan búginge deiingi tarihi, mádeni bailanystaryna arnalǵan Qazaqstan – Qytai: myńjyldyq dialog» atty kórmeni tamashalady.
Kórmege Qazaqstan Respýblikasy Ulttyq mýzeii, Ortalyq memlekettik mýzei, Tuńǵysh Prezident mýzeii jáne Á.Qasteev atyndaǵy Memlekettik óner mýzeii qorlarynan 40-qa jýyq arheologiialyq jádiger, sondai-aq sándik qoldanbaly jáne beineleý óneriniń zattary qoiylǵan.
Qazaqstan men Qytai basshylaryna qazaq-qytai halyqtarynyń materialdyq jáne rýhani mádenietiniń damý sabaqtastyǵyn kórsetetin bes bólimnen turatyn kórmeniń qurylymy tanystyryldy.
