Qytailyq investorlar Shymkenttegi quqyq qorǵaý organdarynyń áreketine narazy Qytailyq investorlar Shymkenttegi quqyq qorǵaý organdarynyń áreketine narazy Tanymal depýtat plastikalyq operatsiiadan keiin kóz jumdy Tanymal depýtat plastikalyq operatsiiadan keiin kóz jumdy
Saiasat

Toqaev pen Rahmon shaǵyn quramda ekijaqty kelissóz ótkizdi

Ult portaly
Toqaev pen Rahmon shaǵyn quramda ekijaqty kelissóz ótkizdi

Qazaqstan Prezidenti Qasym-Jomart Toqaev Dýshanbege resmi saparynyń sheńberinde «Qasri Millat» saraiynda Tájikstan Prezidenti Emomali Rahmonmen ekijaqty kelissóz júrgizdi, dep habarlaidy Aqorda.

Joǵary deńgeidegi memleketaralyq kelissóz bastalmas buryn Qazaqstan Prezidentin saltanatty túrde qarsy alý rásimi ótti. Qurmet qaraýylynyń bastyǵy raport jasap, eki eldiń memlekettik ánurandary oryndaldy. Munan soń Qasym-Jomart Toqaev Tájikstannyń memlekettik týyna qurmet kórsetti. Memleket basshylary Qurmet qaraýyly sapynyń aldynan ótip, bir-birine resmi delegatsiialardyń múshelerin tanystyrdy. Saltanatty rásimnen keiin shaǵyn quramda kezdesý bastaldy.

Taraptar qazaq-tájik strategiialyq áriptestiginiń keń aýqymdy máselelerin qarastyrdy. Sondai-aq saiasi dialogty nyǵaitýǵa erekshe kóńil bóle otyryp, saýda-ekonomikalyq, investitsiialyq jáne mádeni-gýmanitarlyq yntymaqtastyqty arttyrý jaǵdaiyn talqylady. Sonymen qatar Ortalyq Aziiadaǵy qaýipsizdik pen turaqtylyqty qamtamasyz etý jáne halyqaralyq qurylymdar aiasyndaǵy ózara yqpaldastyq máleleleri qozǵaldy.

Qasym-Jomart Toqaev Emomali Rahmonǵa tájik jerine kelgennen bastap ózine jáne qazaqstandyq delegatsiiaǵa kórsetken qonaqjailylyǵy men qurmeti úshin shynaiy rizashylyǵyn bildirdi.

«Ekijaqty yntymaqtastyqty damytýǵa jáne nyǵaitýǵa bailanysty mańyzdy máseleler qarastyrylatyn bolǵandyqtan, biz osy saparǵa zor mán beremiz. Bul rette talqylaityn másele jetkilikti. Byltyr pandemiiaǵa qaramastan, ózara saýda-sattyq kólemi 800 million dollarǵa jetti. Bul saýda-ekonomikalyq saladaǵy áleýetimizdiń áli de mol ekenin kórsetedi. Árine, biz de óz tarapymyzdan birqatar usynys jasaimyz. Sondai-aq sizderdiń de usynystaryńyzdy tyńdaýǵa daiynbyz» , – dedi Qazaqstan Prezidenti.

Memleket basshysy halyqaralyq kún tártibindegi máselelerge de toqtalyp, eki eldiń BUU, ShYU, EQYU aiasyndaǵy ózara tabysty yntymaqtastyǵyn atap ótti. Sonymen qatar Prezident Qazaqstannyń Aziiadaǵy ózara is-qimyl jáne senim sharalary jónindegi keńestegi bastamalaryna turaqty túrde qoldaý kórsetip kele jatqany úshin tájik kóshbasshysyna alǵys aityp, Tájikstannyń osy bedeldi qurylymǵa 2018-2020 jyldary tabysty tóraǵalyq etkenimen quttyqtady.

«Jalpy barlyq baǵyt boiynsha yntymaqtastyqty nyǵaitý úshin mol múmkindigimiz bar. Qazaqstan men Tájikstan – baýyrlas memleketter. Bul artyq aitqandyq emes», – dedi Qasym-Jomart Toqaev.

Óz kezeginde Emomali Rahmon Qasym-Jomart Toqaevqa Tájikstanǵa resmi saparmen kelgeni úshin shynaiy iltipatyn bildirdi. 

«Tájik-qazaq qatynastary búginde yntymaqtastyqtyń barlyq salasy boiynsha qarqyndy damyp keledi. Qazaqstan – Tájikstannyń jetekshi saýda-ekonomikalyq seriktesteriniń ishinde ekinshi orynda. Rýhani, mádeni-gýmanitarlyq yntymaqtastyq jáne qaýipsizdikti qamtamasyz etý salasyndaǵy yqpaldastyq nyǵaiyp keledi. Elderimizdiń TMD, ShYU, UQShU jáne AÓSShK aiasyndaǵy yntymaqtastyǵy tabysty damýda», – dedi Tájikstan Prezidenti.

Emomali Rahmon eki el arasyndaǵy kópjaqty qatynastardyń barlyq salasy boiynsha yntymaqtasty odan ári nyǵaitýǵa daiyn ekenin aitty.

Oqi otyryńyz