Foto: Akorda.kz
XIX Óńiraralyq yntymaqtastyq forýmynyń plenarlyq otyrysynan keiin Qazaqstan men Resei prezidentteri shaǵyn formatta kelissóz júrgizdi, dep habarlaidy "Ult aqparat" Aqordanyń baspasóz qyzmetine silteme jasap.
Qasym-Jomart Toqaev Vladimir Pýtinniń sapary ekijaqty qatynastar jylnamasyndaǵy mańyzdy oqiǵa ekenin atap ótti.
– Siz Qazaqstanǵa HHI ǵasyrdaǵy tatý kórshilik jáne odaqtastyq týraly sharttyń 10 jyldyǵy qarsańynda kelip otyrsyz. Qujatqa 2013 jyly 11 qarasha kúni Ekaterinbýrgte qol qoiylǵanyn eske salǵym keledi. Bul – Qazaqstan men Resei yntymaqtastyǵynyń mańyzdy quqyqtyq negizi sanalatyn ári kópjaqty bailanystarymyzdy odan ári nyǵaitýǵa jol ashatyn jan-jaqty qujat. Sizdi osy aitýly kúnmen quttyqtaimyn. Saparyńyzdyń atalǵan datamen tuspa-tus kelgeni óte jaqsy boldy. Jalpy, búgin aitqanymdai, Sizdiń saparyńyzdyń saiasi jáne tarihi máni zor, – dedi Prezident.
Memleket basshysy eki halyq arasyndaǵy berik dostyq bailanystarǵa, ortaq tarih pen tatý kórshilik qatynastarǵa mán bere otyryp, Qazaqstan men Reseidiń barlyq baǵyttaǵy yqpaldastyǵynyń tabysty damyp kele jatqanyn málimdedi.
– Forýmnyń ashylýynda naqty tsifrlardy atap kórsettik. Sońǵy 3 jylda taýar ainalymynyń kólemi 30 paiyzdan astam ósti jáne bul oń úrdis jalǵasýda. Biylǵy 8 aidyń qorytyndysy boiynsha ózara saýda-sattyq 17 milliard dollardy qurady. Bul da – rekordtyq kórsetkish. Ónerkásiptik kooperatsiia qarqyndy damyp jatyr. Osy oraida aýyz toltyryp aitarlyqtai tsifrlar bar. Atap aitqanda, jalpy somasy 33 milliard dollardan asatyn 143 joba júzege asyrylýda. Onyń 140 jobasy Qazaqstan aýmaǵynda ornalasqan. Resei Qazaqstandaǵy sheteldik kapitaly bar kásiporyndar sany boiynsha kóshbasshy ekeni sózsiz. Elimizde 20 myńnan astam reseilik kompaniia tirkelgen. Resei Federatsiiasynan tartylǵan tikelei investitsiia, bizdiń baǵalaýymyz boiynsha, 20 milliard dollardan asty. Sońǵy eki jylda shamamen 3,5 milliard dollar investitsiia salyndy. Óz kezeginde Qazaqstannyń Reseige quiǵan investitsiia kólemi 6 milliard dollarǵa jetti. Munyń ekijaqty protsess ekeni qýantady. Munai-gaz salasyndaǵy yntymaqtastyq belsendi túrde ilgerilep keledi. Elimizdiń aýmaǵy arqyly Resei munaiyn Qytaiǵa, sondai-aq gazyn Ózbekstanǵa tasymaldaý jónindegi ýaǵdalastyqtar energetika salasyndaǵy yqpaldastyqty múlde jańa deńgeige kóterdi, – dedi Qasym-Jomart Toqaev.
Memleket basshysy Qostanai qalasynda ótip jatqan XIX Óńiraralyq yntymaqtastyq forýmy sheńberinde qol qoiylatyn kelisimder men biznes kelisimsharttary oblystarda ǵana emes, eki el ekonomikasynyń kóptegen salalarynda da mol áleýet bar ekenin kórsetetinine senim bildirdi.
Óz kezeginde Resei Prezidenti Vladimir Pýtin Qazaqstan astanasyndaǵy búgingi kezdesý ekijaqty qatynastardyń jai-kúii jóninde pikir almasyp, keleshekti baǵamdaýǵa jaqsy múmkindik beretinin atap ótti.
– Elderimiz arasyndaǵy strategiialyq seriktestik pen odaqtastyq qatynastar senimdi túrde ári tabysty damyp keledi. Ony, álbette, tsifrlar áigilep tur. Biz jańa ǵana XIX Óńiraralyq yntymaqtastyq forýmynyń plenarlyq otyrysyna qatystyq. Bul – óte jaqsy format. Adamdar bir-birimen tikelei qarym-qatynas jasap, jumys isteidi, aralasady ári bul árdaiym eleýli nátije beredi. Osy joly da solai bolaryna senimdimin. Buǵan qosa óte mańyzdy taqyryp tańdalyp otyr. Azyq-túlik – kez kelgen qoǵamnyń, memlekettiń tynys-tirshiliginiń negizi. Elderimizdiń áleýeti zor. Óz qajettilikterimizdi ǵana qamtamasyz etip qana qoimai, jahandyq naryqtardaǵy kóptegen seriktesterimizge de kómektesýge múmkindigimiz bar. Másele yntymaqtamastyǵymyzdyń barlyq artyqshylyǵyn paidalanyp, keleshekte osy múmkindikterdi arttyrýda ǵana bolyp tur. Arǵy kúni Resei men Qazaqstan arasynda HHI ǵasyrdaǵy tatý kórshilik jáne odaqtastyq týraly shartqa qol qoiylǵanyna 10 jyl tolady. Bul bizdiń kópjaqty dostyq qarym-qatynasymyzdy damytýdyń berik negizine ainaldy, – dedi Vladimir Pýtin.
Resei Prezidenti eki memlekettiń halyqaralyq arenadaǵy konstrýktivti yqpaldastyǵyn, EAEO, UQShU, TMD, BUU jáne ShYU aiasyndaǵy úilesimdi qarym-qatynasyn joǵary baǵalady. Sondai-aq ol 2024 jyly Reseidiń BRIKS pen TMD-ǵa, al Qazaqstannyń UQShU-ǵa tóraǵalyǵy sheńberinde ózara qoldaý kórsetýge daiyn ekenin rastady.
Kelissóz barysynda memleketter basshylary strategiialyq áriptestikti nyǵaitýǵa degen ózara umtylysyn naqtylady. Óńiraralyq jáne shekara mańyndaǵy eldi mekender arasyndaǵy yntymaqtastyqty odan ári damytýǵa erekshe nazar aýdaryldy. Sondai-aq taraptar munai-gaz ónerkásibi, mashina jasaý, energetika, kólik-logistika, densaýlyq saqtaý jáne mádeni-gýmanitarlyq bailanys salalaryndaǵy yqpaldastyqtyń negizgi aspektilerin talqylady.
Budan bólek, Qazaqstan men Resei prezidentteri halyqaralyq ahýaldyń qazirgi jaǵdaiy men damý perspektivalary jóninde pikir almasty.
