Foto: Aqorda
Astanaǵa resmi saparmen kelgen Armeniia Premer-ministri Nikol Pashinian men Qazaqstan Prezidenti Qasym-Jomart Toqaevtyń qatysýymen eki eldiń resmi delegatsiialary birqatar úkimetaralyq jáne vedomstvoaralyq qujattarmen almasty, dep habarlaidy Ult.kz.
Kelisimder saiasi, ekonomikalyq, tehnologiialyq, mádeni-gýmanitarlyq jáne qaýipsizdik salalaryn qamtidy.
Almasqan negizgi qujattar:
- Qupiia málimetterdi berý, qoldaný, qorǵaý jáne saqtaý týraly kelisim.
- Eki eldiń diplomatiialyq ókildikterine arnalǵan jer telimderin bólý týraly kelisim.
- 2026–2030 jyldarǵa arnalǵan saýda-ekonomikalyq yntymaqtastyq jónindegi jol kartasy.
- Ónerkásip jáne qurylys ministrlikteri arasynda yntymaqtastyq týraly memorandým.
- Jasandy intellekt jáne tsifrlandyrý salasyndaǵy yntymaqtastyq týraly memorandým.
- Aýyl sharýashylyǵy salasyndaǵy ózara túsinistik týraly memorandým.
- Qazaqstan men Armeniia syrtqy ister ministrlikteriniń 2026–2027 jyldarǵa arnalǵan is-qimyl jospary.
- Densaýlyq saqtaý ministrlikteriniń 2026–2027 jyldarǵa arnalǵan birlesken sharalar jospary.
- Qazaqstan–Armeniia Iskerlik keńesin qurý týraly kelisim.
- Eki eldiń ulttyq kitaphanalary arasyndaǵy memorandým.
Sondai-aq kino, óner, atom energiiasyn beibit maqsatta qoldaný, ǵylym, joǵary bilim jáne diplomatiialyq kadrlardy daiarlaý salalary boiynsha da mańyzdy qujattar qabyldandy.
Bul kelisimder Qazaqstan men Armeniia arasyndaǵy jan-jaqty yntymaqtastyqty nyǵaityp, jańa baǵyttar boiynsha seriktestikti keńeitýge jol ashady.
