QR Prezidenti Qasym-Jomart Toqaev pen Ózbekstan Prezidenti Shavkat Mirziioev jańadan salynǵan Ózbekstannyń Qazaqstandaǵy elshiligine bardy, dep habarlaidy Aqorda.
Shavkat Mirziioevtiń Qazaqstanǵa memlekettik sapary aiasynda eki el prezidentteri Ózbekstan elshiliginiń jańa ǵimaratynyń saltanatty ashylý rásimine qatysty. Elshiliktiń ǵimaraty Táýelsizdik dańǵylynyń boiynda, «Haziret Sultan» meshitine jaqyn jerde ornalasqan.
Memleketter basshylary saltanatty sharada lenta qiǵan soń, Prezident orkestri eki eldiń memlekettik ánurandaryn oryndady. Budan keiin Qasym-Jomart Toqaev pen Shavkat Mirziioev elshiliktiń jańa ǵimaratyn aralap shyqty.
Jiyn sońynda Qazaqstan Prezidenti Qurmetti qonaqtar kitabyna qoltańbasyn qaldyrdy.
