قر پرەزيدەنتٸ قاسىم-جومارت توقاەۆ پەن ٶزبەكستان پرەزيدەنتٸ شاۆكات ميرزييوەۆ جاڭادان سالىنعان ٶزبەكستاننىڭ قازاقستانداعى ەلشٸلٸگٸنە باردى, دەپ حابارلايدى اقوردا.
شاۆكات ميرزييوەۆتٸڭ قازاقستانعا مەملەكەتتٸك ساپارى اياسىندا ەكٸ ەل پرەزيدەنتتەرٸ ٶزبەكستان ەلشٸلٸگٸنٸڭ جاڭا عيماراتىنىڭ سالتاناتتى اشىلۋ رەسٸمٸنە قاتىستى. ەلشٸلٸكتٸڭ عيماراتى تەۋەلسٸزدٸك داڭعىلىنىڭ بويىندا, «حازٸرەت سۇلتان» مەشٸتٸنە جاقىن جەردە ورنالاسقان.
مەملەكەتتەر باسشىلارى سالتاناتتى شارادا لەنتا قيعان سوڭ, پرەزيدەنت وركەسترٸ ەكٸ ەلدٸڭ مەملەكەتتٸك ەنۇراندارىن ورىندادى. بۇدان كەيٸن قاسىم-جومارت توقاەۆ پەن شاۆكات ميرزييوەۆ ەلشٸلٸكتٸڭ جاڭا عيماراتىن ارالاپ شىقتى.
جيىن سوڭىندا قازاقستان پرەزيدەنتٸ قۇرمەتتٸ قوناقتار كٸتابىنا قولتاڭباسىن قالدىردى.
